Tre vite burg për të akuzuarin në aksidentin në “City Mall” ku humbi jetën e 24 vjeçarja
Me tre vite burg u dënua Jordan Gjogjrgev, i akuzuari për aksidentin e trafikut në “City Mall”, në të cilin humbi jetën 24-vjeçarja nga Radovishi, Viktorija Nikollova, transmeton 360 Shkallë.
Aktgjykimi nuk është i formës së prerë dhe palët kanë të drejtë ankese në Gjykatën e Apelit në Shkup për shumën e gjobës.
Gjatë caktimit të dënimit, gjyqtarja Lubinka Bashevska shprehu ngushëllime të thella për familjarët e viktimës, të cilët nuk ishin personalisht të pranishëm në caktimin e dënimit.
Krahas dënimit me burg, nga vendimi, atij iu ndalua drejtimi i motoçikletës së kategorisë B për një periudhë prej tre vjetësh.
Gjorgjiev u procedua për veprën penale të veprave të rënda kundër sigurisë së njerëzve dhe pronës në komunikacion.
Aktgjykimi u shqiptua sot në Gjykatën Themelore Penale në Shkup pasi i pandehuri e pranoi fajësinë në seancën e kaluar më 6 prill 2022.
“Ndihem në faj dhe më vjen shumë keq për atë që kam bërë. Rrëfimin e jap me vetëdije, pa asnjë shantazh dhe jam i vetëdijshëm për pasojat e kësaj”, tha Gjorgjiev javën e kaluar.
Më pas, avokati i tij, Dushko Jankoviq, në fjalën e tij përmbyllëse theksoi se duhet të merret parasysh gjendja psikologjike dhe pendimi i Jordanit, i cili merrte mjekime që nga dita e aksidentit.
Avokatët e familjes Nikollovi, nga ana tjetër, kërkuan nga gjykata zero tolerancë dhe të ketë parasysh gjendjen faktike dhe shkeljet evidente në trafik.
Aksidenti ndodhi më 20 janar të këtij viti dhe në të ka mbetur i plagosur një djalë, i cili ka qenë në shoqërinë e të ndjerës Viktoria Nikollova.
Pas një hetimi, Prokuroria Themelore Publike Shkup tha se në momentin e aksidentit semaforët kanë qenë të fikur, ndërsa djali nuk është ndalur në vendkalimin e këmbësorëve dhe nuk u ka kushtuar vëmendje këmbësorëve në rrugë, edhe pse ai ishte i detyruar ta bënte këtë. Shpejtësia me të cilën ka vozitur ka qenë 67.3 kilometra në orë, që është 17.3 më shumë se maksimumi i lejuar 50 kilometra në orë.
