Tupançeski pranoi se nuk e ka paguar as fluturimin çarter, as biletat për tribunën VIP
Ministri i Drejtësisë Nikolla Tupançeski në një prononcim për A1on ka pranuar se nuk e ka paguar biletën e fluturimit çarter dhe hyrjen në stadiumin e Palermos, transmeton Portalb.mk.
Faturën për aranzhimin, gjegjësisht akomodimin e ka paguar pasi e ka parë i gjithë publiku në tribunë, përkatësisht katër ditë pas ndeshjes.
Vetëm para pak ditësh, ministri pretendonte se biletën dhe biletën e avionit i kishte paguar vetë.
“Nuk ndjej nevojë të jap dorëheqje pasi nuk është shkelur kodi i etikës sepse kam udhëtuar dhe ndjekur ndeshjen e futbollit Maqedoni – Itali. Është e vërtetë se kam fluturuar me aeroplanin e Federatës së Futbollit, por biletën e avionit dhe biletën për ndeshjen në Palermo e kam paguar vetë”, ka thënë ministri i Drejtësisë Nikolla Tupancevski në një intervistë ekskluzive për Triling.
“Komisioni antikorrupsion le ta hetojë lirisht rastin, ndërsa unë do t’i dorëzoj të gjitha faturat dhe transaksionet aty ku është e nevojshme”, ishte decid ministri i Drejtësisë.
Ndryshe, ministri i Drejtësisë Nikolla Tupançeski, prokurorja Fatime Fetai, gjyqtari Llazar Nanev, kryetari i komunës së Strugës Ramiz Merko, ish-kryetari i komunës së Ohrit Nikola Bakraçeski dhe ish-kryeministri Vllado Buçkovski në ndeshjen e futbollit në Palermo ndërmjet Maqedonisë dhe Italisë, fluturuan falas, gjegjësisht në llogari të Federatës së Futbollit. Edhe Tupançeski edhe Fetai gjatë gjithë kohës kanë deklaruar se qëndrimin në Palermo e kanë paguar nga llogaritë private. Falas ishin edhe biletat në hapësirën e stadiumit.
Ndonëse Ministria e Drejtësisë premtoi se do të publikohen faturat e paguara për qëndrimin e ministrit Tupançeski në Palermo, opinioni ende nuk e ka parë këtë. Nga Tupançeski e dimë vetëm deklaratën e dhënë për disa media se këto janë çështje të parëndësishme dhe se ai ka qenë në Itali me shpenzimet e tij.
Në Kodi etik të Qeverisë, i promovuar nga koalicioni aktual qeveritar, shkruan (neni 17): “Bartësit e funksioneve ekzekutive gjatë kryerjes së funksioneve dhe detyrave nuk mund të marrin dhurata, përveç rasteve në masën dhe mënyrën e përcaktuar me Ligjin për shfrytëzimin dhe disponimin e sendeve shtetërore…Bartësit e funksioneve ekzekutive nuk mund të kërkojnë, të marrin ose të lejojnë një person tjetër në emër të tyre dhe për përfitimin e tyre të japin ose të marrin dhurata, shërbim ose ndonjë vlerë tjetër, ndihmë ose përfitim tjetër që lidhet me kryerjen e funksionit, gjegjësisht obligim, i cili mund të ketë ndikim ose në çfarëdo mënyre t’i vendosë në një vartësi ose detyrim të papërshtatshëm”.
