Rusia thotë se negociatat po përparojnë, Ukraina e mohon

Moska dhe Kievi janë “në gjysmë të rrugës” për të rënë dakord për çështjen e çmilitarizimit të Ukrainës dhe pikëpamjet e tyre janë më të lidhura me neutralitetin e Ukrainës dhe heqjen dorë nga bashkimi me NATO-n, thotë negociatori rus Vladimir Medinsky, transmeton REL.

Agjencia ruse e lajmeve Interfax citon Medinsky të ketë thënë se ekipet negociuese kanë diskutuar garancitë e sigurisë nëse Ukraina nuk përpiqet më të bashkohet me aleancën ushtarake perëndimore NATO. Kjo është mohuar nga delegacioni ukrainas. Përmes një reagimi delegacioni ukrainas ka thënë se “qëndrimi i tyre është i pandryshueshëm”.

Negociatori ukrainas thotë se nuk kanë ndryshuar qëndrim

Anëtari i ekipit negociator të Ukrainës, Mykhailo Podolyak thotë se Rusia po përpiqet të “provokojë tension në media” dhe se pozicioni i Ukrainës mbetet i pandryshuar.

Më herët, delegacioni rus tha se ka përparim në negociata sa i takon demilitarizimit të Ukrainës.

“Statusi i negociatave. Deklaratat e palës ruse janë vetëm qëndrime që ata i kërkojnë. Të gjitha deklaratat synojnë, ndër të tjera, të provokojnë tensione në media. Qëndrimet tona janë të pandryshuara. Armëpushimi, tërheqja e trupave dhe garanci të forta sigurie me formula konkrete”, ka thënë Podolyak.

Negotiation status. The statements of the Russian side are only their requesting positions. All statements are intended, inter alia, to provoke tension in the media. Our positions are unchanged. Ceasefire, withdrawal of troops & strong security guarantees with concrete formulas.

— Михайло Подоляк (@Podolyak_M) March 18, 2022

Më shumë se tre milionë njerëz kanë ikur nga Ukraina, prej kur presidenti rus, Vladimir Putin, urdhëroi pushtimin e Ukrainës më 24 shkurt.  Veprimi i Kremlinit ka nxitur zemërim dhe është dënuar në shumë vende të botës, duke sanksionuar Rusinë në forma të ndryshme. Sot është dita e 23 që nga fillimi i agresionit rus.

• • Dita 1, lexo KËTU
  • Dita 2, lexo KËTU
  • Dita 3, lexo KËTU
  • Dita 4, lexo KËTU
  • Dita 5, lexo KËTU
  • Dita 6, lexo KËTU
  • Dita 7, lexo KËTU
  • Dita 8, lexo KËTU
  • Dita 9, lexo KËTU
  • Dita 10, lexo KËTU
  • Dita 11, lexo KËTU
  • Dita 12, lexo KËTU
  • Dita 13, lexo KËTU
  • Dita 14, lexo KËTU
  • Dita 15, lexo KËTU
  • Dita 16, lexo KËTU
  • Dita 17, lexo KËTU
  • Dita 18, lexo KËTU
  • Dita 19, lexo KËTU
  • Dita 20, lexo KËTU
  • Dita 21, lexo KËTU
  • Dita 22, lexo KËTU
  • Dita 23, lexo KËTU