Hetimi ndaj Lidija Dimovës në përfundim e sipër – së shpejti do të shpallet aktakuzë
Hetimi ndaj ish-drejtoreshës së Agjencisë nacionale për programe arsimore eropiane dhe mobilitet, Lidija Dimova është drejt përfundimit dhe së shpejti pritet që Prokuroria për ndjekjen e krimit të organizuar dhe korrupsionit të vendosë nëse ndaj saj dhe të dyshuarve tjerë do të ngritet akuzë, transmeton Portalb.mk.
“Po analizohet materiali provues i grumbulluar dhe informacioni nga takimet me përfaqësuesit e OLAF-it, në të njëjtën kohë ndërmerren veprime për mbledhjen e provave dhe të dhënave shtesë që kanë lindur si nevojë gjatë procedurës. Pritet që deri në fund të afatit të paraparë për hetime, të merret vendimi i prokurorit publik, i cili me kohë do ta njoftojë opinionin”, thonë nga Prokuroria për “Fokus”.
Hetimet për Dimovën kanë vazhduar për gati një vit e gjysmë dhe ende nuk ka aktakuzë pasi prokurori ka kërkuar edhe gjashtë muaj shtesë për vazhdimin e hetimeve.
Dimova u shkarkua dhe ndaj saj u hap hetim pasi u zbulua se në tre vitet e fundit Agjencia nacionale kishte ndarë grante nga programi “Erasmus 2” në vlerë prej 270 mijë euro për një parukieri. Pronari ka qenë edhe ekspert i jashtëm në Agjencinë nacionale dhe se është bërë e ditur se në thesarin e Agjencisë kanë munguar 15 mijë euro.
Menjëherë pas hetimit të paralajmëruar, i gjithë kreu shtetëror, në krye me ish-kryeministrin Zoran Zaev, ish-zëvendëskryeministrin për luftë kundër korrupsionit, Ljupço Nikolovski, ish-zëvendëskryeministrin për çështje evropiane, Nikolla Dimitrov, bënë thirrje për hetim dhe të zbulohet nëse janë të vërteta akuzat për keqpërdorim tëi parave evropiane. Edhe pse krimi nuk u vërtetua, qeveria kërkoi nga Këshilli shkarkimin e Dimovës, duke u thirrur në kodin etik.
Gjykatësi ia konfiskoi dy pasaportat, e obligoi që të paraqitej herë pas here në gjykatë dhe e ndaloi të kryente disa aktivitete.
Lidija Dimova dyshohet për mashtrim në dëm të fondeve të bashkësisë evropiane dhe keqpërdorim të pozitës dhe autoritetit zyrtar. Zoran Zllatkovski dhe Aleksandar Goçev po ndiqen penalisht për mashtrim në dëm të fondeve të bashkësisë ndërkombëtare. Ana Pavlidus i ngarkohet vepra penale punë nga pakujdesia gjatë shërbimit. Të gjithëve, përveç Pavlidus, iu konfiskuan pasaportat.
Pas shkarkimit të Dimovës nga pozita e drejtores së Agjencisë Kombëtare, në vend të saj drejtor në detyrë u emërua Marko Gjorgievski.
- LEXO: Keqpërdorimet në Agjencinë nacionale, dëshmoi Zllatkovski, ndërsa Dimova dhe dy të tjerë do të pyeten nga java tjetër
- LEXO: RMV, Prokuroria ka mbledhur materiale dëshmuese kundër Lidija Dimovës dhe të dyshuarve të tjerë, hetimi mund të zgjerohet
- LEXO: Agjencia Nacionale me drejtor të ri, pas shkarkimit të Dimovës me kërkesë të Qeverisë
- LEXO: RMV, Lidija Dimova u shkarkua nga funksioni drejtoreshë e Agjencisë nacionale
- LEXO: Gjykata ia mori pasaportën ish drejtoreshës së Agjencisë Nacionale, Lidija Dimova
- LEXO: Padi penale kundër Lidia Dimovës, pronarit të V.E.Z Trade dhe dy të punësuarve në Agjencinë Nacionale
- LEXO: Zaev kërkoi shkarkimin e Dimovës nga Agjencia Nacionale, ndërkohë emëroi tre drejtorë të rinj në institucionet tjera
- LEXO: RMV, Ka filluar hetimi për financimin e projekteve nga Agjencia Nacionale, Nikollovski premtoi zbardhje të rastit
- LEXO: RMV, Nuk është vetëm Erasmus, hetime edhe për malverzime të tjera me para evropiane
- LEXO: Afera “Parukeria” për keqpërdorimin e parave evropiane, Dimova mohoi akuzat: Grantet ndahen sipas kritereve të BE