Bogoev: Betejat politike të zhvillohen brenda institucioneve për ekonomi më të mirë

“Ekonomia kërkon ambient të qetë, kërkon kushte stabile për punë dhe institucione që funksionojnë. Kështu që më mirë është që të gjitha betejat politike të zhvillohen brenda institucioneve të shtetit”, thotë Guvernatori I Bankës Popullore të Maqedonisë Dimitar Bogoev, për Radio Evropa e Lirë.

I pyetur se nëse ende ekziston rrezik për ekonominë e Maqedonisë nëse eskalon kriza në Ukrainë, Bogoev thotë se efektet direkte në ekonomi nga kriza në Ukrainë nuk janë të mëdha, për arsye se ekonomia e Maqedonisë nuk është shumë e lidhur me këtë shtet. Por, Bogoev thotë se jemi të vëmendshëm për efektet indirekte të cilët mund të ndikojnë në rritjen ekonomike nëse kriza në Ukrainë eskalon.