fbpx

Serbët sërish dolën në mbështetje të pushtimit rus të Ukrainës (VIDEO)

Në Beograd të Serbisë, sot më 13 mars u mbajt një ngjarje në mbështetje të pushtimit rus të Ukrainës.
Kjo protestë u organizua nga grupi i krahut të djathtë “Patrulla Popullore”, shkruan REL.

Sipas Shërbimit të Ballkanit të Radios Evropa e Lirë, disa vetura, që kishin simbolin ‘Z’ dhe me flamuj rusë dhe serbë, protestuan duke parakaluar pranë qendrës “Sava” në Beograd.

Simboli ‘Z’ është parë në tanket ruse gjatë luftimeve në Ukrainë. Ky simbol po përdoret edhe nga personat që po e mbështesin vendimin e presidentit rus, Vladimir Putin, për pushtimin e Ukrainës.

LEXO: Çfarë do të thotë “Z” dhe pse u bë simbol i luftës për Rusinë?

Protestuesit, së bashku me veturat e tyre, parakaluan në disa rrugë të kryeqytetit rusë, dhe pjesëmarrësit brohoritën “serbët dhe rusët janë vëllezër përgjithmonë”.

Edhe më 4 mars, në Beograd ishte mbajtur një protestë në mbështetje të Rusisë, ku mijëra persona dolën para Ambasadës ruse dhe para misionit diplomatik të Bjellorusisë.

LEXO: Serbi, marsh në mbështetje të Putinit dhe Rusisë (VIDEO)

Rusia ka nisur më 24 shkurt një sulm të paprovokuar ndaj Ukrainës. Shtetet perëndimore, por edhe të rajonit të Ballkanit Perëndimor, kanë vendosur sanksione ndaj Moskës për shkak të agresionit ndaj Rusisë. Serbia ka refuzuar që t’i bashkohet sanksioneve të Bashkimit Evropian dhe Shteteve të Bashkuara.

LEXO: Java e tretë e agresionit ndaj Ukrainës, Rusia ka zgjeruar sulmet

Lajme të ngjashme

Leave a Reply

Your email address will not be published. Required fields are marked *

Back to top button