RMV, nga mesnata do të ketë çmime më të ulëta të dizelit dhe benzinave
Komisioni Rregullator për Energjetikë (KRRE) sot mban seancë në të cilën duhet të kalkulohen akcizat e reja të ndryshuara dhe normat e TVSH-së dhe të sillet vendim për ulje të çmimeve të derivateve. Çmimet e reja, siç informojnë nga KRRE, do të vlejnë nga sonte në mesnatë, njofton Portalb.
Kryetari i KRRE-së Marko Bislimovski për sdk.mk deklaroi se në pajtueshmëri me ndryshimet e jiratuara të ligjeve për TVSH dhe akciza, çmimi i benzinave do të ulet për 6,5 denarë, bdërsa i dizelit për 9 denarë.
Kuvendi i Maqedonisë së Veriut mbrëmë ka miratuar masat për përballje me krizën ekonomike, ligjin për uljen e akcizës për karburantet që merr shteti nga shitja e karburanteve, si dhe ligjin për uljen e Tatimit mbi Vlerën e Shtuar (TVSH) për karburantet, nga 18 në 10 për qind. Është miratuar edhe ligji për uljen e TVSH-së për ushqimit bazë në 0 për qind. Ligjet janë miratuar me 95 vota nga deputetët e të gjitha partive politike.
- LEXO: RMV, Kuvendi i miratoi masat anti-krizë: ulja e akcizës së karburanteve dhe TVSh-në
- LEXO: RMV, ndryshimet e ligjeve për TVSH-në dhe akcizën u dërguan për miratim në Kuvend
- LEXO: Rritje dramatike e çmimeve të derivateve në RMV, për dy ditë dizeli u rrit për 18.5 denarë
- LEXO: Më 17 prill do të ketë zgjedhje lokale në dy komuna të Maqedonisë së Veriut
