fbpx

U zbardh telefonata Biden – Erdogan

Presidenti i Turqisë Rexhep Taip Erdogan dhe ai i SHBA-ve Joe Biden kanë zhvilluar një bisedë telefonike ditën e enjte, ku në fokus ka qenë lufta në Ukrainë, raporton ABC. Ata diskutuan “shqetësimin e tyre të përbashkët për pushtimin e paprovokuar dhe të pajustifikuar të Rusisë në Ukrainë”, thuhet në deklaratën e dal nga Shtëpia e Bardhë.

“Ata riafirmuan mbështetjen e tyre të fortë për qeverinë dhe popullin e Ukrainës, nënvizuan nevojën për një ndërprerje të menjëhershme të agresionit rus dhe mirëpritën përgjigjen e koordinuar ndërkombëtare ndaj krizës. Presidenti Biden shprehu vlerësimin për përpjekjet e Turqisë për të mbështetur një zgjidhje diplomatike të konfliktit, si dhe për angazhimet e fundit të Turqisë me liderët rajonalë që ndihmojnë në promovimin e paqes dhe stabilitetit”, thuhet në deklaratë.

Sekretarja e shtypit e Shtëpisë së Bardhë Jen Psaki e përshkroi thirrjen si “konstruktive” dhe “të gjatë”, duke thënë se ata folën për rreth një orë. Ajo nuk pranoi të thoshte nëse ata diskutuan për aksesin në Detin e Zi.

Lajme të ngjashme

Leave a Reply

Your email address will not be published. Required fields are marked *

Back to top button