fbpx

Ukraina raportoi për të plagosur nga sulmi në spitalin për fëmijë në Mariupol

Zyrtarët ukrainas thanë se 17 persona janë plagosur në sulmin ajror rus në spitalin e fëmijëve dhe maternitetit në Mariupol, në jug të Ukrainës, raporton REL. Shefi i administratës ushtarake ukrainase në rajonin lindor të Donjeckut, Pavlo Kyrylenko, tha se numri i fëmijëve të plagosur “është zero, falë Zotit dhe shpresojë që ky numër të mos ndryshojë”.

Presidenti ukrainas, Volodymyr Zelensky, tha se sulmi i 9 marsit ishte një “mizori”, duke ripërsëritur thirrjet që Shtetet e Bashkuara dhe NATO të krijojnë një zonë të ndalim-fluturimit mbi Ukrainën.

“Mbyllni qiellin tani. Ndaloni vrasjet. Ju e keni fuqinë, por duket se jeni duke e humbur humanitetin”, ka thënë ai.

Këshilli i qytetit të Mariupolit ka thënë se sulmet ajrore kanë shkaktuar “shkatërrim kolosal” të maternitetit dhe spitalit të fëmijëve.

Kryeministri britanik, Boris Johson, është zotuar se Qeveria e tij do ta mbajë përgjegjës presidentin rus, Vladimir Putin “për krimet e tij të tmerrshme”.

Sulmi në Mariupol vjen në ditën e 14-të qëkur Rusia ka nisur pushtimin e Ukrainës. Për shkak të sulmit ndaj Ukrainës, Bashkimi Evropian dhe Shtetet e Bashkuara kanë vendosur sanksione të ashpra ndaj Rusisë.

Lajme të ngjashme

Leave a Reply

Your email address will not be published. Required fields are marked *

Back to top button