fbpx

Kievi zhvilloi koncertin klasik “Qielli i lirë” në mbështetje të thirrjes së popullit dhe Presidentit Zelensky drejtuar liderëve botërorë për mbylljen e qiellit

Në ditëlindjen e gjeniut me famë botërore të popullit ukrainas Taras Shevçenko, po zhvillohet aksioni artistik “Qielli i lirë” në mbështetje të thirrjes së popullit ukrainas dhe Presidentit të Ukrainës Volodymyr Zelenskyy drejtuar Perëndimit dhe vendeve të tjera për të mbyllur qiellin mbi Ukrainën dhe për të ndaluar luftën, njoftoi presidenca ukrainase, transmeton Portalb.mk

Nën drejtimin e dirigjentit, “Artisti i UNESCO-s në emër të paqes” Herman Makarenko, muzikantët e Orkestrës Simfonike Klasike të Kievit që qëndruan në kryeqytetin ukrainas interpretuan Himnet Kombëtare të Ukrainës dhe Evropës (një pjesë të Ludwig van Beethoven “Oda e gëzimit”) dhe një numër kompozimesh të famshme muzikore ukrainase.

Në veçanti, orkestra interpretoi një fragment të baletit “Lileya” të kompozitorit ukrainas Kostiantyn Dankevyç bazuar në baladën me të njëjtin emër nga Taras Shevçenko; “Kozachok” nga opera e parë në libreton në gjuhën ukrainase “Zaporozhets za Dunayem” nga Semen Hulak-Artemovsky; Kënga popullore ukrainase “Nich yaka misiachna”; fragment i uverturës për operën “Taras Bulba” nga Mykola Lysenko.

“Ne duam që muzika e paqes, muzika e jetës në performancën tonë të arrijë në zemrën e çdo banori të botës së lirë dhe liderët e këtyre vendeve t’i ndihmojnë ata të gjejnë një vendim që do të bënte qiellin e Ukrainës, nën të cilin ne do të performojmë të sigurt”, theksoi Herman Makarenko.

Zelensky: Zona e ndalim-fluturimit do të parandalonte katastrofën humanitare

Presidenti ukrainas, Volodymyr Zelenskiy, ka thënë se nëse nuk shpallet zona e ndalim-fluturimit për të mbrojtur Ukrainën, komuniteti ndërkombëtar do të jetë përgjegjës për katastrofë të madhe humanitare, transmeton REL.

Zelenskiy ka thënë më 9 mars se Rusia ka rritur shkallën e sulmeve në ditën e 14-të të luftës dhe se bota nuk mund të rri duarkryq.

“Rusia përdor raketa, aeroplanë dhe helikopterë kundër nesh, kundër civilëve, kundër qyteteve tona, kundër infrastrukturës tonë. Është detyrë humanitare e botës që të përgjigjet”, ka thënë ai.

NATO-ja ka hedhur poshtë mundësinë e zbatimit të ndalim-fluturimit për shkak të shqetësimeve të përballjes së drejtpërdrejtë me Rusinë.

Zelensky u ka bërë thirrje fuqive të Perëndimit që menjëherë të zgjidhin ofertën polake, e cila do t’i mundësonte shtetit të tij të furnizohej me aeroplanë luftarakë rusë MiG-29 – një lloj i aeroplanit luftarak që pilotët ukrainas dinë si ta përdorin.

Më 8 mars, Uashingtoni ka hedhur poshtë idenë e Polonisë për t’ia dorëzuar SHBA-së aeroplanët rusë në bazën ajrore amerikane në Gjermani.

Uashingtoni ka thënë se një veprim i tillë mund të përshkallëzojë konfliktin.

“Kur do të merret vendimi? Dëgjoni: Ne jemi në luftë! Ne nuk kemi kohë për këto shenja. Ky nuk është pingpong. Këto janë jetë njerëzish. Ne po bëjmë thirrje sërish: Zgjidheni shpejt. Mos u largoni nga përgjegjësia, na dërgoni aeroplanët”, ka thënë Zelensky.

I pyetur si e sheh Moska ofertën polake, zëdhënësi i Kremlinit, Dmitry Peskov ka thënë se kjo do të krijonte “një skenar potencialisht të rrezikshëm dhe të padëshirueshëm”.

Sulmi i Moskës ndaj Ukrainës ka nisur në orët e para të 24 shkurtit.

Presidenti rus, Vladimir Putin ka urdhëruar “operacion special” për të çmilitarizuar Ukrainën.

Veprimi i Kremlinit ka nxitur zemërim dhe është dënuar në shumë vende të botës.

Shtetet e Bashkuara dhe aleatët janë përgjigjur me sanksione të ashpra kundër Moskës.

Lajme të ngjashme

Leave a Reply

Your email address will not be published. Required fields are marked *

Back to top button