Kryetari i Irpinit: Evakuimet po vazhdojnë

F. Xh. 15:48, 07-03-2022

Kryetari i qytetit ukrainas, Irpin – afër Kievit – ka thënë se procesi i evakuimit të civilëve është duke vazhduar, transmeton REL.

Oleksandr Markushyn u ka thënë mediave ukrainase se evakuimi është duke vazhduar në mënyrë paqësore dhe rreth 1,000 persona janë dërguar në vende të sigurta.

Mirëpo Markushyn ka thënë se forcat ruse po vazhdojnë të bombardojmë qytetin Irpin.

Ai ka thënë se forcat ukrainase kanë zmbrapsur forcat ruse, të cilat janë tërhequr në skaj të qytetit.

Një këshilltar i Ministrisë së Brendshme ka thënë se qytezat tjera në veriperëndim, përfshirë Bakan, Hostomelin dhe Vorzelin, janë duke u kontrolluar nga forcat ruse dhe situata mbetet kritike.

Ndryshe, qendra e Odesës, një qytet kryesor ukrainas pranë Detit të Zi, në perëndim të vendit, është kthyer në një zonë të fortifikuar. Pozicionet mbrohen nga ushtarë ukrainas, të cilët vëzhgojnë zbarkimet eventuale ajrore ose detare të forcave ushtarake ruse.