Mëngjesin e sotëm është regjistruar tërmet në qytetin e Ohrit
Rrjeti telemetrik sizmologjik i Republikës së Maqedonisë së Veriut, sot më 07.03.2022 ka regjistruar tërmet në pjesën jugore të liqenit të Ohrit, transmeton Portalb.mk.
Epiqendra ndodhet 150 km në jug të Shkupit në Republikën fqinje të Shqipërisë.
Sipas të dhënave që disponon observatori, tërmeti ka ndodhur në orën 02 e 41 minuta, me magnitudë lokale të Rihterit ML3.6 dhe intensitet III gradë sipas shkallës makrosizmike evropiane, ndërsa është ndjerë nga popullsia në qytetin e Ohrit dhe rrethinë.
