Tentime për evakuim në Mariupol derisa luftimet vazhdojnë

F. Xh. 12:05, 06-03-2022

Këshilli i qytetit të Mariupolit në Ukrainë, ka njoftuar se një evakuim i rreth 400,000 banorëve të bllokuar nga rrethimi i forcave ruse, do të bëhet të dielën më 6 mars, në bazë të një armëpushimi të përkohshëm që do të zgjasë deri në orën 21:00 sipas kohës lokale, transmeton REL.

Një plan i ngjashëm dështoi të shtunën më 5 mars, pasi armëpushimi nuk u respektua plotësisht.

Ndërkohë, luftimet vazhduan në shumë zona të tjera më 6 mars, teksa pushtimi rus i Ukrainës hyri në ditët e tij të 11-të, duke shkaktuar vdekje dhe shkatërrime dhe duke detyruar më shumë se 1.5 milion njerëz të largohen nga vendi i tyre.