Tetovë, në shënimin e ditës së Komunës u ndanë mirënjohje (VIDEO)
Komuna e Tetovës sot në seancën e tetë të këshillit komunal, në formë simbolike shënoi ditën e saj, ku morën pjesë qytetarë nga veprimtari të ndryshme si dhe u ndanë mirënjohje ndaj personaliteteve dhe organizatave të ndryshme të cilat kontribuojnë në mënyrat e tyre për Tetovën, transmeton Portalb.mk.
Në seancë u ndanë mirënjohje për personalitete të shquara nga sfera të ndryshme të shoqërisë, të cilët kontribuuan në zhvillimin dhe afirmimin e qytetit të Tetovës. Po ashtu mirënjohje posmortum iu nda edhe për veprimtarin e shquar të çështjes kombëtare, Rafi Alilit, i cili kohë më parë ndërroi jetë.
Me mirënjohje u shpërblyen:
- Iljaz Mazllami- veprimtar i çështjes kombëtare
- Antigona Abdullai- veterane e arsimit
- Vjollca Aliu- profesoreshë
- Xhelal Zejneli- professor
- Jocko Dimitrievski- veteran i arsimit
- Simona Zafirovksa- profesoreshë
- Eftim Gegovski- professor
- Sevda Iliç- veterane e arsimit
- Boris Stojanovski- professor
- Nxënësit e gjimnazit të grupit të parë, fitues të shumë çmimeve- Filip, Petar, Dimitar, Stefan, Anamarija
- Cvetko Vidoeski – profesor
- Abdylmenaf Ejupi- veteran i arsimit
- Rufat Rufati- veteran i arsimit
- Shpëtim Kuriu- veteran i arsimit
- Barije Bexheti- veterane e arsimit
- Suzana Veseli- veterane e arsimit
- Riza Ibraimi- veteran i arsimit
- Nebi Iljazi- veteran i arsimit
- Darko Gavroski- profesor
- Sonja Trifunoska- profesoreshë
- Ajshe Ramadani- veterane e arsimit
- Fatbardha Pasholli- veterane e arsimit
- Neshat Haziri- veteran i arsimit
- Mahi Alili- profesor
- Satki Ismaili- arsimtar
- Artin Dauti- shkencëtar i ri
- Menan Selimi- shkencëtar inovator
- Stem Llab- fusha e robotikës, fizikës, teknologjisë dhe inxhinierisë
- Uka Aliti- zjarrfikës
- Tv Koha- media
- Tv Kiss- media
- Shoqëria kulturore artistike “Xheladin Zeqiri”
- Jetmir Rexhepi- këngëtar
- Driton Halimi- karatist
- Lulzim Ismaili- bokser
- Festim Selmani- kampion në bodybuilding
- Arben Jonuzi- trajner në kick boks klubin Tetova
- Klubi i futbollit “Dardanët”
- Klubi i futbollit të vajzave “Shkëndija”
- Menan Memedi- sport
- Klubi i futbollit “Shkëndija”
- Klubi i basketbollit “Tetova Bulls”
- Petre Dimitrievski- turizëm
- Ilir Demiri- mjek
Kryetari i Komunës, Bilall Kasami u shpreh se “3 Marsi” shënon fillimin e erës demokratike në Tetovë.
“Në vitin 1992 u themelua këshilli i parë shumë partiak në Tetovë, duke shënuar kështu edhe fillimin e demokracisë institucionale në Tetovë. Ne, në vitin 1992 u ulën këshilltarët të cilët ishin zgjedhur nga vota e qytetarëve përmes një procesi demokratik dhe të lirë. Qytetaret në përgjithësi menduan se me ardhjen e demokracisë do të zgjidhen të gjitha çështjet, mirëpo koha e dëshmoi të kundërtën sepse përkushtimi ndaj zhvillimit dhe ngritjes se procesit te demokracisë deri në shkallë të pranueshme për të gjithë nuk ka qenë sa duhet. Pavarësisht kësaj qytetari i Tetovës që atë ditë filloi ta ndjej nga afër pushtetin lokal dhe për herë të parë e kuptoi se komuna është e tyre e jo e pushtetit qendror. Instalimi i një sistemi të ri demokratik u përcoll me shumë vështirësi dhe obstruksione që bëheshin nga pushteti qendror i cili nguronte t’u jepte pushtet komunave të cilat tashmë kërkon të udhëhiqnin me qytetin e tyre”, tha Kasami.
Ndryshe, Kasami gjatë fjalës së tij theksoi nevojën e riformulimit të Ligjit për vetëqeverisje lokale, duke theksuar se është e nevojshme që komunat të kenë decentralizim fiskal të plotë.
Seancën e plotë mund ta ndiqni më poshtë: