Ndërtimi i impiantit për trajtimin e ujërave të zeza në Shkup do të fillojë këtë vit
Dje në hapësirat e NP Ujësjellësi dhe kanalizim – Shkup u hapën tenderët për projektimin dhe ndërtimin e impiantit për trajtimin e ujërave të zeza në Shkup. Nga 12 kompani dhe konsorciume që kanë paraqitur aplikimet e tyre në tenderin ndërkombëtar deri në tetor 2020, dy kompani janë kualifikuar në fazën e dytë të procedurës së tenderit, shkruan Meta.mk, transmeton Portalb.mk.
Faza e dytë e tenderit për ndërtimin e objektit kapital për Shkupin do të zgjasë nga 3 deri në 6 muaj, pas së cilës do të zgjidhej ofertuesi më i favorshëm dhe do të fillonte ndërtimi i objektit, i cili duhet të trajtojë ujërat e zeza nga mbi gjysmë milioni banorë nga kryeqyteti.
“Nëse deri më tani ujërat e zeza shkonin direkt në Vardar, duke ndotur me vetëdije mjedisin dhe shëndetin publik, tani më në fund do të kemi mundësi të veprojmë aktivisht, të ndryshojmë gjërat dhe t’i japim fund ndotjes së lumit Vardar, qytetit, por para së gjithash, të sigurojmë ujë të pijshëm më të mirë për popullatën dhe për të përmirësuar cilësinë e jetës së banorëve të Shkupit”, tha kryetarja e Shkupit Danela Arsovska.
Ndryshe, Qeveria e Maqedonisë ka siguruar kredi në vlerë prej 136 milionë euro nga Banka Evropiane për Investime (EBI) dhe Banka Evropiane për Rindërtim dhe Zhvillim (BERZH) në dhjetor 2019, pas së cilës në vitin 2020 është shpallur tender ndërkombëtar i zbatuar nga NP Ujësjellësi dhe kanalizimi-Shkup.
Ndërkohë, Bashkimi Evropian njoftoi së fundmi se Korniza e investimeve për Ballkanin Perëndimor ka siguruar fonde të pakthyeshme për vendin tonë në shumën prej 69.8 milionë euro, që drejtpërsëdrejti zvogëlon përgjysmë kredinë e Maqedonisë së Veriut për BERZH-in dhe EBI-t.
Përndryshe, pasi të zgjidhet kontraktori i termocentralit në Shkup, e gjithë procedura e ndërtimit duhet të përfundojë brenda 72 muajve. Prej tyre, 36 muaj janë paraparë për projektimin dhe ndërtimin e objektit të madh që do të vendoset përgjatë lumit Vardar, afër vendbanimit Trubarevë. Parashikohen 24 muaj të tjerë për një operacion provë, si dhe 12 muaj shtesë për heqjen e defekteve të mundshme në objektin kapital.
Impianti i ardhshëm për trajtimin e ujërave të zeza duhet të përfshijë mbeturinat që prodhohen aktualisht në 9 nga 10 komunat e Shkupit për trajtim.
