Takimi Rusi – Ukrainë, nesër në mëngjes

F. Xh. 22:55, 27-02-2022

DONETSK (AA) - Pamjet nga rajoni i Donetskut, i cili mbahet nga separatistët e mbështetur nga Rusia në Ukrainën lindore, tregojnë tanket ushtarake ruse teksa lëvizin në një drejtim. Kjo lëvizje e fundit vjen pasi Rusia njohu rajonet Luhansk dhe Donetsk si shtete "të pavarura" dhe njoftoi se do të dërgojë forcat ruse atje për "ruajtjen e paqes". ( Stringer - Anadolu Agency )

Një delegacion ukrainas do të takohet me një delegacion rus të hënën, më 28 shkurt, për bisedime në kufirin Ukrainë-Bjellorusi, pas garancive të presidentit bjellorus, Alexander Lukashenko, transmeton REL.

Njoftimi erdhi të dielën pasi forcat ukrainase u angazhuan në luftime të ashpra me trupat ruse në qytete të shumta anembanë Ukrainës.

Rusia po përballet me dënimin universal dhe sanksionet e shtuara nga fuqitë perëndimore për sulmin e paprovokuar të Moskës ndaj Ukrainës, tashmë në ditën e katërt.

Zëvendësministri i Brendshëm i Ukrainës, Evgeny Yenin tha se bisedimet do të zhvillohen të hënën në mëngjes sipas kohës lokale.