Leyen: Sanksione të reja për Rusinë, përfshirë dhe largimi i bankave nga SWIFT
Presidentja e Komisionit Evropian, Ursula von der Leyen tha pak më parë se BE së bashku me Shtetet e Bashkuara dhe partnerë të tjerë perëndimorë, planifikon të vendosë sanksione të mëtejshme ndaj Rusisë për pushtimin e saj në Ukrainë, duke përfshirë largimin e një numri të bankave ruse nga pagesat bankare SWIFT, njofton Portalb.mk.
“Fillimisht, angazhohemi që disa banka ruse të largohen nga SWIFT. Kjo do t’i ndalojë ato të punojnë ndërkombëtarisht dhe në mënyrë efektive do të bllokohen importet dhe eksportet ruse.
Së dyti, do të bllokojmë pronat e bankës qendrore të Rusisë. Kështu do të ngrihen transaksionet e saj. Dhe kjo do ta bëjë të pamundur që Banka Qendrore të likuidojë pronat e saj. Dhe së fundmi, do të punojmë për të ndaluar oligarkët rusë të përdorin pronat e tyre financiare në tregjet tona. Putin i hyri rrugës që synon të shkatërrojë Ukrainën. Por ajo që po bën gjithashtu, në fakt po shkatërron të ardhmen e vendit të tij.” tha Leyen.
First, we commit to ensuring that a certain number of Russian banks are removed from SWIFT.⁰
It will stop them from operating worldwide and effectively block Russian exports and imports.— Ursula von der Leyen (@vonderleyen) February 26, 2022
Second, we will paralyse the assets of Russia’s central bank.
This will freeze its transactions.
And it will make it impossible for the Central Bank to liquidate its assets. pic.twitter.com/8H9eWkNCW9
— Ursula von der Leyen (@vonderleyen) February 26, 2022
And finally, we will work to prohibit Russian oligarchs from using their financial assets on our markets.
Putin embarked on a path aiming to destroy Ukraine.
But what he is also doing, in fact, is destroying the future of his own country. pic.twitter.com/bcygxFjeyG
— Ursula von der Leyen (@vonderleyen) February 26, 2022
Çfarë është Swift?
Swift është arteria financiare globale që lejon transferimin e sigurt dhe të shpejtë të parave përtej kufijve. Swift qëndron për Shoqërinë për Telekomunikacionin Financiar Ndërbankar në mbarë botën. E krijuar në vitin 1973 dhe me bazë në Belgjikë, Swift lidh 11 mijë banka dhe institucione në më shumë se 200 vende.
Por Swift nuk është banka tradicionale. Është një lloj sistemi i mesazheve të çastit që informon përdoruesit kur janë dërguar dhe mbërritur pagesat. Swift dërgon më shumë se 40 milionë mesazhe në ditë, ndërsa triliona dollarë ndryshojnë duart midis kompanive dhe qeverive. Më shumë se 1% e këtyre mesazheve mendohet se përfshijnë pagesa ruse.
Kush zotëron dhe kontrollon Swift?
Swift u krijua nga bankat amerikane dhe evropiane, të cilat nuk donin që një institucion i vetëm të zhvillonte sistemin e tyre dhe të kishte një monopol. Rrjeti tani është në pronësi të përbashkët nga më shumë se 2000 banka dhe institucione financiare.
Swift mbikëqyret nga Banka Kombëtare e Belgjikës, në partneritet me bankat kryesore qendrore në mbarë botën – duke përfshirë Rezervën Federale të SHBA-së dhe Bankën e Anglisë. Swift ndihmon për të bërë të mundur tregtinë ndërkombëtare të sigurt për anëtarët e saj dhe nuk supozohet të mbajë anë në mosmarrëveshje.
Megjithatë, Irani u përjashtua nga Swift në vitin 2012, si pjesë e sanksioneve për programin e tij bërthamor. Swift humbi pothuajse gjysmën e të ardhurave të saj nga eksporti i naftës dhe 30% të tregtisë së jashtme. Swift thotë se nuk ka ndikim mbi sanksionet dhe çdo vendim për t’i vendosur ato i takon qeverive.
Si do të ndikonte përjashtimi i Rusisë nga Swift?
Kompanitë ruse do të humbnin aksesin në transaksionet normale të sigurta dhe të menjëhershme të ofruara nga Swift. Pagesat për energjinë e saj të vlefshme dhe produktet bujqësore do të ndërpriteshin rëndë.
Bankat ka të ngjarë të kenë të bëjnë drejtpërdrejt me njëra-tjetrën, duke shtuar vonesa dhe kosto shtesë, dhe në fund duke ulur të ardhurat për qeverinë ruse.
Rusia ishte kërcënuar me një përjashtim nga Swift më parë – më 2014 kur aneksoi Krimenë. Rusia tha se masa do të ishte e barabartë me një shpallje lufte.
Aleatët perëndimorë nuk vazhduan, por kërcënimi e shtyu Rusinë të zhvillonte sistemin e saj, shumë të ri, të transferimit ndërkufitar.
Për t’u përgatitur për një sanksion të tillë, qeveria ruse krijoi një Sistem Kombëtar të Kartës së Pagesave, i njohur si Mir, për të përpunuar pagesat me kartë. Megjithatë, pak vende të huaja e përdorin atë aktualisht.
Sot është dita e tretë e agresionit rus në Ukrainë.
LEXO: Vazhdon agresioni rus ne Kiev, luftë nëpër rrugë (Live)
