fbpx

SHBA: Oferta e Putinit për bisedime nuk është diplomaci e vërtetë

Departamenti amerikan i Shtetit tha se oferta e presidentit rus, Vladimir Putin, për bisedime në Ukrainë, nuk “është diplomaci e vërtetë”, transmeton REL.

Duke folur për gazetarët në Uashington të premten, zëdhënësi i DASH-it, Ned Price tha se diplomacia nuk mund të zhvillohet “nën tytën e armës”.

Sipas tij, që kjo të ndodhë, duhet të ndalojnë veprimet ushtarake ruse në Ukrainë dhe forcat ruse duhet të tërhiqen.

Deri më tani, shtoi Price, SHBA-ja nuk ka parë tregues se Putin ka vullnet që ta lë diplomacinë të jetë e suksesshme.

Më herët gjatë të premtes, Kremlini tha se Putin ishte “i gatshëm” për bisedime të nivelit të lartë me delegacionin e Ukrainës. Moska tha se këto bisedime do të mbaheshin në Minsk të Bjellorusisë. Kremlini tha se këto bisedime do të kishin në fokus “neutralitetin” dhe “çmilitarizimin” e vendit.

Po të premten, Putin u bëri thirrje ushtarëve ukrainas që ta rrëzojnë Qeverinë e vendit.

Rusia ka nisur pushtimin e Ukrainës më 24 shkurt dhe presidenti Putin e ka përshkruar si “operacion të posaçëm”, për siç ka thënë, “çmilitarizimin” e Ukrainës.

LEXO: Rusia vazhdon luftën në Ukrainë: forcat ushtarake sulmojnë edhe civilët në Kiev (FOTO-VIDEO)

Rusia vazhdon luftën në Ukrainë: forcat ushtarake sulmojnë edhe civilët në Kiev (FOTO-VIDEO)

Lajme të ngjashme

Leave a Reply

Your email address will not be published. Required fields are marked *

Back to top button