Pjesëtarët e grupit Lev Tahor u kërcënuan edhe jashtë Kumanovës

Policia e Maqedonisë së Veriut gjatë javës ka realizuar bisedë informative me 38 vjeçaren nga Ohri në lidhje me një publikim në Fejsbuk, ku shfaqet gjuhë e urrejtjes me përmbajtje raciste, transmeton Portalb.mk.

“Nëpunës policorë të SPB Ohër kanë realizuar bisedë zyrtare në SPB Ohër me 38 vjeçaren V.S. nga rrethina e Ohrit, e cila në rrjetin social Facebook ka vendosur përmbajtje me të cilën ka kryer veprën penale “përhapja e materialeve raciste dhe ksenofobike përmes sistemit kompjuterik” e dënueshme sipas neit 394-g të KP-së”, bëjnë me dije nga Policia e Maqedonisë së Veriut.

Policia ka sqaruar që 36 vjeçarja pasi e ka publikuar postimin, pastaj e ka fshirë. REL raportoi që pas kësaj ngjarje, pjesëtarët e sektit fetar hebre, Lev Tahor, të cilët nga Shkupi janë zhvendosur në qytetin e Ohrit në Maqedoninë e Veriut, kanë reaguar pas presioneve dhe kërcënimeve që kanë marrë nga banorët e fshatit Lakoçerej, ku janë vendosur tani disa ditë.

Reagimi i tyre vjen pasi Ministria e Punëve të Brendshme, njoftoi se ndaj banoreje nga Ohri me inicialet V.S ka ngritur padi penale për veprën “përhapje të ksenofobisë dhe nxitjeve raciste”.

Sipas MPB-së, kjo banore, përmes një postimi në rrjetin sociale Facebook kishte bërë thirrje të digjet hoteli ku janë vendosur pjesëtarët e sektit fetar hebre Lev Tahor. “Gjatë bisedës V.S. ka pranuar se ka bërë thirrje, përmes një statusi në Facebook, të cilin më pas e kishte fshirë”, thuhet në njoftimin e policisë.

Shaje Uingaten, përfaqësuese e sektit fetar Lev Tahor, tha për mediat lokale në Ohër se është e befasuar nga kërcënimet dhe sjellja e banorëve, pasi siç tha, pjesëtarët e grupit nuk kanë qëllime të këqija dhe se nuk do të qëndrojnë gjatë në Maqedoninë e Veriut.

“Maqedonia është një vend i bukur, njerëzit janë të mirë, pavarësisht se individët reagojnë negativisht për praninë tonë. Ne nuk kemi plan të kërkojmë qëndrim të përhershëm. Ne jemi këtu përkohësisht, kemi një leje qëndrimi tremujore. Ne jemi ende në kërkim të një vendi ku të mund të vendosemi dhe të mund të qëndrojmë denjësisht, dhe në fund të bëjmë atë për të cilën jemi këtu, të vizitojmë vendet me interes. Kështu, siç po ndodh, ne nuk do të mund të vizitojmë asnjë nga vendet për të cilat kemi ardhur këtu”, deklaroi Shaje Uingaten, përfaqësuese e sektit fetar Lev Tahor.

Ajo hodhi poshtë reagimet, por edhe etiketimet e shumta në rrjetet sociale se pjesëtarët e këtij gripi janë njerëz të dhunshëm apo se nga vendet tjera janë dëbuar për shkak të rrezikun që paraqesin për popullatën vendore.

“Pse nuk na lejohet të udhëtojmë lirshëm? Pse ka urrejtjeje ndaj nesh? Ne nuk jemi as spiunë, as terroristë. Njerëzit pa nevojë janë agresivë ndaj nesh…Për momentin nuk kemi vendbanim të përhershëm. Kërkojmë një vend ku do të lejohen të praktikojnë të drejtat tona njerëzore dhe fetare, lirinë, siç është shkruar në Bibël”, ka thënë Shaje Uingaten.

Banorët e fshatit Lakocerej të Ohrit, ku aktualisht qëndron grupi hebre Lev Tahor, kishin kërkuar nga pronari i hotelit që të largojë nga objekti pjesëtarët e këtij grupi, në të kundërtën, ata kanë kërcënuar se do të mbajnë një protestë masive dhe nuk do të lejojnë që fëmijët të shkojnë në shkollë.

Lajme të ngjashme

Leave a Reply

Your email address will not be published. Required fields are marked *

Back to top button