Trençevska: Rritja e pagës minimale kontribuon drejtpërdrejt në një standard më të lartë të jetesës për punëtorët

Projektligji për ndryshimin dhe plotësimin e Ligjit për pagën minimale në Republikën e Maqedonisë së Veriut, i cili miratohet me procedurë të shkurtuar, kaloi në procedurën e sotme të Komisionit parlamentar për punë dhe politikë sociale. Anëtarët e Komisionit si nga pushteti ashtu edhe nga opozita e mbështetën zgjidhjen ligjore me të cilën paga minimale do të jetë 18.000 denarë neto, gjegjësisht 26.422 denarë bruto, transmeton 360 Shkallë.

Sipas ministres së Punës dhe Politikës Sociale Jovanka Trençevska, Qeveria dhe Ministria e kanë realizuar premtimin e dhënë, “që në mënyrë direkte ka kontribuar në një standard më të lartë të jetesës për punëtorët”.

Ajo theksoi se nevoja për rritjen e pagës minimale është rezultat i rritjes së çmimeve të produkteve të caktuara, të cilat janë jetike për punëtorët, e me këtë edhe për amvisëritë.

“Të gjitha këto zgjidhje janë në interes të mbrojtjes së buxhetit familjar të çdo familjeje dhe përmirësimit të gjendjes ekonomike të punonjësit”, tha Trençevska.

Ndryshimet e propozuara në Ligjin për pagën minimale ndryshuan kriteret për harmonizimin vjetor të pagës minimale me 50 për qind të rritjes vjetore të pagës mesatare dhe 50 për qind të rritjes së kostos së jetesës, sipas të dhënave të Entit Shtetëror të Statistikës.

Për zgjidhjen sistematike të çështjes, shuma e pagës minimale nuk mund të jetë më e ulët se 57 për qind e pagës mesatare të publikuar nga Enti Shtetëror i Statistikave për vitin paraprak. Amendamentet e propozuara parashikojnë ndihmë financiare nga Buxheti i Republikës së Maqedonisë së Veriut për periudhën mars-dhjetor 2022, për pagesën e diferencës nga kontributet në rritjen e pagës minimale neto.

Për nevojën e ndryshimit të kritereve për harmonizimin e pagës minimale dhe rritjen e saj, folën edhe përfaqësues të punëtorëve dhe punëdhënësve, si dhe nga Këshilli Socio-Ekonomik.

• LEXO: Ligji për pagën minimale sot në rend dite para komisioneve parlamentare
• LEXO: SASHK-u kërkon që paga e arsimtarëve të jetë 45 mijë denarë
• LEXO: Shaqiri: Nuk kemi përfitime nga greva, po shqyrtohen disa mundësi për rritje të pagave
• LEXO: Deri në mes të muajit mars do të ketë rritje të pagave në Maqedoninë e Veriut përmes Marrëveshjes Kolektive, besojnë nga sindikata
• LEXO: RMV, me 101 vota “për” paga minimale kaloi filtrin e parë parlamentar
• LEXO: RMV, u arrit marrëveshje për pagën minimale
• LEXO: Dimovski: Kur paga minimale të bëhet 18.000 denarë, të gjitha rrogat duhet të harmonizohen
• LEXO: Sindikata e pavarur akademike: rritja e pagës minimale një hap para, por nuk duhet të barazohet me punën e atyre që kanë nivele të ndryshme arsimore
• LEXO: RMV, Sindikata e PAOGJSHQ: Të rriten pagat gradualisht ose do të hyjmë në grevë
• LEXO: Radikalizim të masave nëse nuk do të rriten pagat në Maqedoninë e Veriut, paralajmëroi Sindikata