Mot i keq në Shkup, dru të thyer, semafor të prishur
Pas dëmeve të shkaktuara nga moti i keq i shoqëruar me rreshje të rrëmbyeshme, gjatë orëve të fundit në Shkup, ekipe të NP “Ujësjellësi dhe kanalizimi” , NP “Rrugë dhe rrugica”, NP “Parqe dhe gjelbërime”, kanë dalë në terren për t’i evituar pasojat, informojnë nga Qyteti i Shkupit.
Ekipe të NP “Ujësjellësi dhe kanalizimi” po pastrojnë rrjedhjet e kanalizimit atmosferik, NP “Rrugë dhe rrugica” i evitojnë defektet e disa semaforëve , të cilët nuk funksionojnë si pasojë e dëmeve të shkaktuara nga gjëmimet, ndërsa NP “Parqe dhe gjelbërime”, po i pastrojnë degët dhe drunjtë e thyer, të cilat e pengojnë funksionimin normal të trafikut.
Qyteti i Shkupit u bën apel qytetarëve që të lajmërojnë defektet e ndryshme të sinjalistikës ndriçuese dhe rrugore, apo edhe të thyerjes së drurëve , si pasojë e erës së fortë , në këto numra telefoni: NP “Parqe dhe gjelbërime”- 02/3070 112; NP “Rrugë dhe rrugica” – 02/3162 317; NP “Ujësjellësi dhe kanalizimi” – 3073-010, 0800 22555