Gjykata e Velesit liroi nga akuza 23 vjeçaren që vrau partnerin e saj në vetëmbrojtje (VIDEO)
Gjykata në Veles në seancën e sotme e liroi nga akuza për vrasjen e parterit të saj, 23-vjeçaren Pavlinka Iloska nga Velesi, transmeton Portalb.mk.
Ajo akuzohej për “vrasje çasti” për rastin në të cilin derisa ishte dhunuar fizikisht dhe verbalisht nga partneri i saj, në vetëmbrojtje e kishte goditur atë me thikë, duke i shkaktuar vdekjen.
Paraprakisht, në mbrojtje të Iloskës u ngritën organizata joqeveritare dhe Komiteti i Helsinkit.
E pandehura më datë 29.09.2021, në shtëpinë e familjes ku banonte, pa fajin e saj, në gjendje nervozizmi të fortë si pasojë e dhunës në familje, ka privuar nga jeta në çast tashmë të ndjerin A. R. me të cilin jetonte në një lidhje jashtëmartesore.
I ndjeri ishte polic në SPB Veles, në dy raste ishte dënuar me kusht për dy vepra në Gjykatën Themelore Veles.
- LEXO: Gruaja nga Velesi që vrau partnerin në vetëmbrojtje është akuzuar për vrasje me dënim më të butë
- LEXO: RMV, 30 ditë paraburgim për 23 vjeçaren e cila dyshohet se ka vrarë personin me të cilin bashkëjetonin
- LEXO: RMV, policia e arrestoi një të dyshuar për vrasjen e policit, ndërkohë Prokuroria filloi hetimet