Përleshje e 40 personave në derbin Porto-Sporting
E vështirë është për një gjyqtar që t’i kontrollojë 22 futbollistë në sekondat e fundit në një derbi si Porto-Sporting. Por kur edhe mbledhësit e topave nisin të përleshen me futbollistë, gjyqtarëve u del situata nga kontrolli, raporton Koha.net.
Tensionet në këtë derbi nisën në minutat e fundit të gjithë duelit. Sportingu krijoi epërsi prej 2:0 në pjesën e parë. Sebastian Coates në pjesën e dytë u ndëshkua me karton të kuq, ndërsa Porto arriti që t’i barazonte shifrat në minutën e 78-të nëpërmjet Mehdi Taremit, e kërkonte edhe fitoren.
Pepe në fund u përfshi në një duel me Joao Palhinhan, dhe normalisht, ishte në qendër të kësaj përleshjeje që zgjati goxha shumë.
Për pesë minuta, rreth 40 persona në një pjesë të fushës, ishin të shpërndarë në “Estadio do Dragao”.
Joao Palhinha dhe Bruno Tabata u ndëshkuan me të kuq te Sportingu, ndërsa te Porto u përjashtuan Augustin Marchesin dhe Pepe.
Ndeshja u zhvillua të premten mbrëma dhe i takoi xhiros së 22-të të elitës së futbollit portugez. Porto vazhdon serinë pa humbje në 50 ndeshje rresht.
Five minutes of ABSOLUTE CHAOS to end a thriller between Porto and Sporting ??
Pepe received one of three red cards shown after the final whistle, as carnage broke out between both sets of players and staff.
The Dragons extend their unbeaten run to 50 matches! ?? pic.twitter.com/i0F2Dmf1Dh
— Football on BT Sport (@btsportfootball) February 11, 2022
