Më 17 prill do të ketë zgjedhje lokale në dy komuna të Maqedonisë së Veriut
Komisioni Shtetëror i Zgjedhjeve ka bërë të ditur aktivitetet e radhës në lidhje me zgjedhjet që duhet të mbahen më 17 prill në komunën Mavrovë-Rostushë dhe Qendrën Zhupë, transmeton Portalb.mk.
Në lidhje me aktivitetet për përgatitjen e këtyre zgjedhjeve, Komisioni Shtetëror i Zgjedhjeve ka zhvilluar seancën e 44-t. Fushata zgjedhore do të fillojë më 28 mars dhe do të zgjatë deri më 15 prill, ndërsa 16 prill do të jetë heshtje.
Ndryshe, Kryetari i Kuvendit të Maqedonisë së Veriut, Talat Xhaferi ka shpallur zgjedhjet për këto dy komuna vetëm për kryetar komune.