fbpx

Ministri i Jashtëm francez: Rrjedha e deritanishme e ngjarjeve mes Bullgarisë dhe Maqedonisë së Veriut duket mirë

Shefi i diplomacisë franceze Zhan Iv Le Drijan, vendi i të cilit kryeson me BE-në nga 1 janari i këtij viti, ka komentuar takimin e sotëm mes kryeministrave të Bullgarisë dhe Maqedonisë së Veriut, Kiril Petkov dhe Dimitar Kovaçevski në Sofje, transmeton Portalb.mk.

“Sa e di, punët fillojnë të qetësohen dalëngadalë. Vizita e kryeministrit të ri bullgar në Shkup ndihmoi në zhbllokim, deklaratat janë në drejtim të duhur. Shpresoj se iniciativa e filluar do të gjejë shprehje konkrete që të mund të thirrim konferencën ndërqeveritare nën presidencën tonë, më së voni nën presidencën çeke. Por, rrjedha e deritanishme e ngjarjeve duket mirë”, deklaroi ministri i Jashtëm i Francës, në Komisonit për Punë të Jashtme në Parlamentin Evropian, transmeton BGNES.

Qeveritë e Maqedonisë së Veriut dhe Bullgarisë sot në rezidencën “Bojana” në Sofje mbajtën seancën e përbashkët, në të cilën, mes tjerash u nënshkruan disa dokumenteve bilaterale. Në kuadër të kësaj, dy kryeministrat e vendit patën takim në katër sy. Kjo seancë e përbashkët vijon pas vizitës së Petkovit në Shkup më 22 janar.

Lajme të ngjashme

Leave a Reply

Your email address will not be published. Required fields are marked *

Back to top button