Periudha e izolimit të zgjasë shtatë në vend të dhjetë ditëve, propozoi Shtabi i Krizave në RMV

Shtabi i Përgjithshëm Koordinues i Krizave ka mbajtur mbrëmë seancën e dytë, në të cilën ministri i Shëndetësisë Bekim Sali në Maqedoninë e Veriut ka prezantuar situatën aktuale me pandeminë e shkaktuar nga Covid-19, njoftojnë nga ky shtab, transmeton Portalb.mk.

Në seancë u diskutua dhe u miratua rekomandimi për shkurtimin e periudhës së izolimit pas testit pozitiv të cilësisë PCR nga 10 në 7 ditë.

„Rekomandimi bazohet në propozimin e Komisionit për Sëmundjet Infektive, për shkak të pamjes më të lehtë klinike të shkaktuar nga sforcimi i omicron”, tha Shtabi i Përgjithshëm i Krizave.

Rekomandimi i është dorëzuar Qeverisë dhe duhet të diskutohet në seancën e ardhshme të qeverisë.

Rikujtojmë se ditë më parë Komisioni për Sëmundje Infektive propozoi që izolimi për pacientët e infektuar me Kovid-19 të jetë shtatë ditë, në vend që të jetë dhjetë ditë.

Lajme të ngjashme

Leave a Reply

Your email address will not be published. Required fields are marked *

Back to top button