fbpx

Petkov: Qasja e re na mundësoi të marrim notën që dy vite e kërkonim nga RMV-ja

Kryeministri i Bullgarisë Kiril Petkov i cili dje ishte në Shkup, vizitën e cilëson si sukses të madh, duke thënë se Bulgaria e ka marë notën (diplomatike) që e kërkonin dy vite më parë në të cilën thuhet se  Mqedonia e Veriut nuk ka pretendime territoriale ndaj Bullgarisë, raporton 360Shkallë, transmeton Portalb.mk.

“Kjo notë është diskutuar, negociuar dhe vetëm pse kemi vepruar me një qasje të re, e kemi marrë atë. Dhe, kjo nuk ka të bëjë vetëm me përdorimin e emrave të shkurtër dhe të gjatë, por do të thotë se Maqedonia e Veriut nuk ka pretendime territoriale ndaj Bullgarisë. Nga kjo duhet kuptuar se vizita ishte një sukses i madh”, tha sot kryeministri bullgar për vizitën e tij në Maqedoninë e Veriut, pas fjalimit vjetor të presidentit Rumen Radev në Parlamentin e Bullgarsië.

Ai tha se vizita ishte shumë konstruktive por se ka ende shumë punë për të bërë.

I pyetur nga gazetarët nëse është diskutuar për çështjen e fashizmit, Petkov tha se Komisioni i Historisë mes dy shteteve është një nga grupet punuese që do të punojë për çështjet e tilla.

“Ata do të punojnë në pjesën e historisë së regjimit fashist në të gjithë Evropën dhe për ndikimin e tij në territorin e RMV-së së sotme. Komisioni i Historisë duhet të hyjë në më shumë detaje. Por është shumë më e rëndësishme që jemi të bashkuar që për 60 ditë të kemi një lidhje transporti Sofje-Shkup dhe kjo do të bëhet në mënyrën më transparente”, ka thënë Petkov.

Kujtojmë se, Maqedonia e Veriut dhe Bullgaria tensionuan raportet për shkak të kontesteve historike. Sofja zyrtare kërkon që Shkupi t’i pranojë kërkesat bullgare se gjuha maqedonase është normë e asaj bullgare dhe se kombi maqedonas është krijuar nga Tito.

Ky kontest ka bllokuar procesin eurointegrues të vendit, me çka Bullgaria këtë vit i vendosi dy herë veto Maqedonisë së Veriut, njëherë në qershor, kurse më pas, më 14 dhjetor, edhe një herë e bllokoi fillimin e negociatave RMV-BE.

Edhe në vitin 2020, njëjtë vendi fqinj, i vendosi dy here veto Maqedonisë së Veriut, një herë në këshillin e ministave të Jashtëm të BE-së si dhe në Këshillin për Punë të Përgjithshme të BE-së, duke penguar në këtë mënyrë miratimin e kornizës negociuese për fillimin e negociatave të vendit me BE-në. Për zgjidhjen e kontesteve të historisë, komisioni maqedono – bullgar ka mbajtur takime, po nuk kanë arritur të gjejnë zgjidhje. Palët kanë mosmarrëveshje më së shumti rreth identitetit të figurave historike të Mbretit Samoil dhe Goce Delçevit.

Lajme të ngjashme

Leave a Reply

Your email address will not be published. Required fields are marked *

Back to top button