Interi triumfoi ndaj Juventusit, fitoi Super Kupën italiane

Inter Milan fitoi Superkupën e Italisë 2021, mbrëmë, duke mposhtur Juventusin me rezultat 2-1 në stadiumin San Siro të Milanos, raporton Anadolu Agency, transmeton Portalb.mk.

Juventus realizoi i pari në minutën e 25-të, pasi mesfushori amerikan, Weston McKennie, shënoi me një goditje me kokë brenda zonës. Sulmuesi spanjoll Alvaro Morata krosoi topin nga e majta për ta asistuar McKennie-n.

Interit iu dha një penallti në minutën e 34-të pasi sulmuesi boshnjak Edin Dzeko u faullua në zonë.

Sulmuesi argjentinas Lautaro Martinez mori përsipër penalltinë dhe me një gjuajtje të fortë shënoi nga pika e bardhë, teksa Interi barazoi ndeshjen.

Pjesa e parë u mbyll 1-1.

Asnjëra skuadër nuk shënoi në pjesën e dytë dhe ndeshja shkoi në kohën shtesë.

Kur të gjithë prisnin që fituesi të zgjidhet përmes penalltive, sulmuesi kilian i Interit, Alexis Sanchez, shënoi golin e fitores në minutën e 121-të.

Matteo Darmian i Interit priti një top në kuadratin e Juventusit, duke përfituar nga gabimi i mbrojtjes së Juventusit.

Pastaj Sanchez kontrolloi topin për të shënuar nga afër, ndërsa Interi fitoi Superkupën.

Sanchez u shpall lojtari i ndeshjes pas fishkëllimës së fundit.

Kampioni italian i vitit 2021, Inter, fitoi Superkupën për herë të gjashtë në histori. Herën e fundit, skuadra nga Milano e fitoi këtë titull në vitin 2010.

Ndërkohë, skuadra humbëse, Juventusi, ende mban rekordin e këtij trofeu me nëntë fitore në total.

Juventusi fitoi për herë të fundit Superkupën e Italisë në vitin 2020.