Ndërroi jetë aktori dhe komediani amerikan Bob Seget
Aktori dhe komediani amerikan Bob Seget, i cili u bë i famshëm me serialin “Full House”, ka vdekur papritur në moshën 65-vjeçare. Ai u gjet i vdekur në një hotel në Orlando dhe policia tha se nuk kishte rrethana të dyshimta rreth vdekjes së tij.
Stand-up komediani me përvojë sapo filloi një turne të ri në SHBA dhe jo shumë kohë më parë kishte deklaruar se është i lumtur që u rikthye në skenë.
Detajet e sakta rreth vdekjes së tij mbeten të paqarta, shkruan BBC, transmeton Portalb.mk.
Por në një deklaratë të shkurtër të postuar në Twitter, Departamenti i Sherifit tha se detektivët nuk kishin gjetur asnjë shenjë të dyshimtë ose të përdorimit të drogës gjatë hetimeve fillestare.
