fbpx

Takim i jashtëzakonshëm i ministrave të NATO-s, biseduan për Rusinë dhe Ukrainën

Ministria e Punëve të Jashtme (MPJ) njofton se ministri Osmani sot mori pjesë në mbledhjen e jashtëzakonshme të Këshillit të NATO-s në nivel të Ministrave të Jashtëm, e cila u mbajt përmes video-konferencës, transmeton Portalb.mk.

Takimi u fokusua në grupimin ushtarak rus rreth kufirit me Ukrainën, si dhe çështje të tjera që lidhen me sigurinë evropiane.

Në njoftim thuhet se ministri Osmani ritheksoi mbështetjen e Maqedonisë së Veriut për sovranitetin dhe integritetin territorial të Ukrainës dhe shprehu shpresën për zgjidhje paqësore të situatës në dhe rreth këtij vendi. Ai nënvizoi rëndësinë e unitetit dhe kohezionit mes aleatëve, si një mjet i fortë për ruajtjen e paqes dhe stabilitetit, por edhe për bashkëpunimin e ngushtë me BE-në dhe vendet e tjera partnere.

Takimi i jashtëzakonshëm u mbajt në prag të Këshillit të dakorduar më parë, NATO-Rusi, dhe takime të tjera në formate të ndryshme, me qëllim për të mos lejuar përshkallëzimin e krizës dhe për të gjetur një zgjidhje me mjete komunikimi joushtarake, fillimisht diplomatike.

Lajme të ngjashme

Leave a Reply

Your email address will not be published. Required fields are marked *

Back to top button