Tetovë, “Shkumbini” me vite pret zgjidhje, Kasami: Jemi në kontakt me kompani që kanë projekte
Shtrat i ngushtuar, mbeturina të shumta dhe moskujdesi i autoriteteve ndaj tij janë vetëm tre nga problemet që me vite hasim në lumin ‘Shkumbin’ në pjesën e lagjes “Dardania”në Tetovë. I katandisur në këtë mënyrë, shqetëson banorët e kësaj lagjeje dhe frikon ata në rast të përsëritjes së vërshimeve të vitit 2015. Problemi u diskutua edhe në debatin publik për buxhetin e Komunës për vitin 2022, ndërsa kryetari i Komunës tha se janë në kontakt me kompani të cilat kanë projekte me të cilat mund të zgjidhin këtë problematikë. Sot ai vizitoi këtë lagje, shkruan Portalb.mk.
Në të kaluarën, masat e Komunës së Tetovës ndaj shtratit të lumit kanë qenë vetëm sipërfaqësore, duke e pastruar lumin në mes e duke i lënë mbetjet anash lumit, kjo nuk e ka zgjidhur problemin.
Banorët e Lagjes Dardania, e potencuan këtë problem gjatë debatit për buxhetin e Komunës për vitin 2022, dhe kërkuan zgjidhje për rregullimin e shtratit të lumit.
“Me realizimin e projektit për shtratin e lumit “Shkumbin” do të bëhen shumë punë të mira, do të ndërpritet uzurpimi, hedhja e mbeturinave pa kontroll në të gjitha anët e lumit dhe mbi të gjitha do të parandalohen edhe vërshimet e mundshme siç ishin vërshimet e fundit në Tetovë”, tha Jusuf Mustafai, banor i lagjes “Dardania”.
Kryetari i Komunës tha se edhe përkundër faktit se kanë pasur projekte të përgatitura, të përpiluara nga kompani projektuese, ato projekte nuk janë paguar nga komuna dhe nuk kanë qenë në dispozicion të komunës që përmes sektorit për zhvillim ekonomik lokal të aplikojnë për fonde të jashtme.
“Më konkret është rasti i shtratit të lumit “Shkumbin”, në pjesën nga rruga “Industriale” deri tek autostrada apo unaza që kalon pranë Tetovës, rruga Shkup-Gostivar. Jemi në kontakt me kompani të tilla që kanë projekte të mund të merremi vesh që ato ti kemi në dispozicion si komunë dhe përmes sektorit për zhvillim ekonomik lokal të aplikojmë në fonde edhe të brendshme edhe të jashtme që ato projekte të realizohen, por do mundohemi edhe nga buxheti i komunës të sigurojmë mjete”, tha Bilall Kasami.
Ai sot vizitoi këtë lagje dhe siç njofton në rrjetin e tij në Facebook, u njoftua nga afër me problemet që kjo lagje ka.
- LEXO: Tetovë, “Shkumbini” vazhdon me problemet e vjetra, Kasami: E kemi prioritet rregullimin e tij
- LEXO: Edhe pse u pastrua para dy javëve, shtrati i Lumit Shkumbin përsëri është mbushur me mbeturina
- LEXO: Gjatë fushatës zgjedhore, aksion për pastrimin e Lumit Shkumbin në Tetovë
- LEXO: “Ballistët” dhe ”Futsal Shkëndija” filluan me pastrimin e shtratit të Lumit Shkumbin, aksioni vazhdon edhe nesër
- LEXO: Elezi: Përpos rreziqeve tjera, ndotja e Lumit Shkumbin, burim i përhapjes së sëmundjeve
- LEXO: Kryetarja Arifi premtoi se në vjeshtë do ta pastrojnë lumin “Shkumbin” (FOTOGALERI)
- LEXO: Orendi shtëpiake në Lumin Shkumbin, Komuna e Tetovës ende pa veprim konkret (VIDEO)
- LEXO: Me vite injorohet “xhungla” me deponinë as 750 metra larg objektit të Komunës së Tetovës (VIDEO)
