Vdiq ish-ministri dhe deputeti Marjan Dodovski
Ish-ministri i Mjedisit dhe deputeti, Marjan Dodovski në moshën 55-vjeçare ndërroi jetë mbrëmë në Qendrën Klinike në Shkup, transmeton Portalb.mk.
Dodovski ka qenë Ministër i Mjedisit dhe Planifikimit Hapësinor në Qeverinë e VMRO-DPMNE-së nga viti 1998-2002, deputet nga viti 2006-2008, si dhe anëtar i Këshillit të Qytetit të Shkupit. Dodovski ishte edhe ish-kryetar i VMRO-Partisë Popullore.
Lajmin për vdekjen e ka bërë të ditur edhe ish-bashkëshortja e tij, deputetja e VMRO-DPMNE-së, Ivanka Vasilevska.