Policia mbrëmë në Shkup dënoi 48 shoferë që vozitnin nën ndikimin e alkoolit
Në qytetin e Shkupit në mbrëmjen e djeshme Policia ka shqiptuar 48 dënime për ngasësit e veturave pasi në atë moment ishin nën ndikim të alkoolit, ndërsa në gjithë vendin janë regjistruar 90 raste të tilla, transmeton Portalb.mk.
“Në territorin e Qytetit të Shkupit janë shqiptuar 143 masa, ndër të cilët 48 dënime nën ndikimin e alkoolit, 19 për tejkalim të shpejtësisë dhe 20 për ngasje pa leje”, njoftojnë nga Policia.
Ndërkohë janë regjistruar edhe shkelje si parkim i parregullt, kalim gjatë ngjyrës së kuqe të semaforit, përdorim të telefonit, etj. Për këtë, Policia apeloi te qytetarët të respektojnë rregullat e komunikacionit.
Raportohet që mbrëmë në Klinikën Universitare të Toksikologjisë në Shkup janë pranuar 17 pacientë nën ndikim të alkoolit, prej të cilëve shtate nga mosha 14 deri 17 vjeç.