fbpx

A është “Zepeto” sfilata më e madhe virtuale e modës në botë?

Megjithëse rrjetet sociale si Instagram, Twitter, Tik Tok janë aktuale në shumicën e vendeve të botës dhe në shumicën e popullsisë, ekziston një grup i madh të rinjsh që përdorin kryesisht platforma pjesë e metaversumit ku mund të kontrollohet avatari i përdoruesit, transmeton Portalb.mk.

Avatari ose mini-kopja dixhitale e një përdoruesi njerëzor të platformës është mjet që mund të vishet, të punojë, të blejë, të shoqërohet dhe të jetojë në një botë virtuale.

“Avatari im është që dua të jem në një ditë të caktuar,” tha Monika, e cila u regjistrua si Monika Quin në rrjetin social dhe aplikacionin popullor të Koresë së Jugut të quajtur Zepeto, shkruan BBC.

Foto: Enrique ortega miranda, Unsplash
Foto: Enrique ortega miranda, Unsplash

Zepeto funksionon në mënyrë që përdoruesit bëjnë foto dhe më pas formohet një avatar që duket si ata nga fotografia, i cili më vonë mund të ndryshohet dhe modifikohet sipas dëshirës së përdoruesit.

“Në botën reale, nuk është e lehtë të presësh flokët dhe t’i rritësh sërish, por në botën dixhitale është e lehtë dhe është e mundur vetëm me një klikim. Ka veshje që nuk kam mundësi t’i vesh në botën reale, por këtu mund të përballoj gjithçka”, tha Monica për mediat britanike.

Avatari i saj në metaversum dixhital dizajnon veshje që avatarët e tjerë blejnë dhe veshin, në këtë mënyrë ajo fiton një shifër mujore prej gjashtë shifrash. Ajo që është interesante këtu është se markat si Gucci, Dior dhe Ralph Lauren po planifikojnë gjithashtu të bashkohen në lançimin e produkteve të tyre përmes kësaj bote dixhitale të Zepetos.

Monika Quin është një influencere e famshme që dizajnon veshje dixhitale. Kjo frymëzoi krijuesit e platformës për të krijuar një konkurs bursash për një shkollë të dizajnit të modës që ka emrin e vet: Instituto Marangoni Miami (IMM). Për të aplikuar, të gjithë përdoruesit muajin e kaluar duhej të plotësonin një aplikacion në të cilin do të dorëzonin koleksionin e tyre të dizajnuar të modës dixhitale.

“Por gjithashtu e kapërcen modën. Në botën dixhitale mund të filloni lehtësisht një karrierë si arkitekt ose këngëtar, kërcimtar dhe më shumë. Për më tepër, është e mundur që të vdekurit të kthehen në jetë duke krijuar avatarë 3D që do të animohen me ndihmën e inteligjencës artificiale. Për disa njerëz, lidhja me metauniversin dhe domethënia e tij është ende shumë larg sepse pothuajse është bërë një temë popullore, por është e qartë se zbulimi dhe popullarizimi i elementeve të rëndësishme që do të jenë pjesë e tij tashmë ka filluar.” shkruan BBC.

Termi “meta-univers” u promovua fillimisht kur kompania e madhe “Facebook” ndryshoi emrin e saj në “Meta” dhe më pas ndau vizionin e saj për projektet e radhës që do të bëjnë ndërtimin e meta-universit që është një botë dixhitale për mundësi, sipas zhvillimit të mëtejshëm të teknologjisë dhe dixhitalizimit të botës.

Lajme të ngjashme

Leave a Reply

Your email address will not be published. Required fields are marked *

Back to top button