Dita e tretë e konferencës së 17-të ndërkombëtare “e-Shoqëri”
Sot në në Shkup mbahet dita e tretë e edicionit të 17-të të konferencës ndërkombëtare “e-Shoqëri” me temë “Demokracia në erën digjitale: sfidat dhe mundësitë”, e organizuar nga Fondacioni Metamorfozis, njofton Portalb.mk.
Konferenca fillon në ora 12:00 me trajnimin e parë i cili do të zgjatë një orë. “Siguria kibernetike – mitet dhe dezinformatat e zakonshme” . Trajnimi i dytë fillon në ora 13:15 dhe mbaron në ora 16:30 dhe si temë ka “Si të ndërtohet sistem i fuqishëm dhe i qëndrueshëm për mbrojtjen e privatësisë”.
Edicioni i sivjetshëm i konferencës e-Shoqëri.mk do të zgjasë 4 ditë dhe përbëhet nga 7 sesione, 2 fjalime frymëzuese, 2 trajnime dhe 1 punëtori, dhe kryesisht do të diskutohet për gjendjen e demokracisë sot, si dhe për atë se si teknologjia e formëson përkufizimin e qeverisjes së mirë dhe angazhimin qytetar në kushtet e sotme. Gjithashtu do të diskutohen edhe sfidat e epokës digjitale me fokus të veçantë në dezinformimin dhe sigurinë në internet. Aktivistë, ekspertë, gazetarë, nëpunës shtetërorë dhe mbështetës nga rajoni i Ballkanit Perëndimor dhe më gjerë do t’i ndajnë pikëpamjet dhe opinionet e tyre mbi temën “Demokracia në epokën digjitale: sfidat dhe mundësitë”.
Ngjarja mbahet në format hibrid, me ç’rast dita e parë dhe e fundit e konferencës (30 nëntor dhe 3 dhjetor) do të mbahen në hotelin Panoramika, dhe disa nga pjesëmarrësit do të kenë mundësi të marrin pjesë në ngjarje drejtpërdrejt, ndërsa pjesëmarrësit e tjerë do të mund t’i ndjekin seancat online përmes platformës ZOOM dhe transmetimit të drejtpërdrejtë në faqen e Fondacionit Metamorfozis në Facebook.
Agjendën e konferencës e-Shoqëri.mk mund ta shihni këtu: Agjenda-е-Shoqëri.mk-2021
- LEXO: U hap konferenca e 17-të e-Shoqëri.mk: Digjitalizimi të jetë synimi i shoqërisë
- LEXO: Platformat digjitale mundësojnë zgjidhjen e problemeve të qytetarëve dhe rritjen e pjesëmarrjes së tyre në vendimmarrje
- LEXO: E-shoqëri.mk: Përparimi me hapjen e të dhënave është nën pritshmëritë
- LEXO: Dita e dytë e konferencës së 17-të ndërkombëtare “e-Shoqëri”
- LEXO: OJQ-të duhet të bashkëpunojmë mes vete dhe autoritetet për të rritur vetëdijen për MAV dhe Inteligjencën Artificiale
- LEXO: Diskutim në panel në konferencën “E-Shoqëri.mk”: Nxënësit nga zonat rurale kanë frikë nga paraqitjet publike