Për momentin fajtore vetëm kompania, 113 herë e ka kaluar kufirin pa pasur licencë

Para më shumë se një muaji, autobusi i kompanisë “Besa trans” e ka kaluar kontrollin teknik dhe nuk ka pasur lëshime të cilat tregojnë se janë regjistruar parregullsi. Brenda këtij viti 113 herë e ka kaluar kufirin me certifikatë të licencës së një automjeti tjetër, shkruan TV21.

“Është evidente se janë përdorur certifikata nga automjete të tjera dhe prandaj tani është e nevojshme që në kuadër të këtij hetimi të vërtetohen të gjitha këto fakte, të ketë përgjegjësi penalo-juridike për të gjitha këto lëshime që janë bërë gjatë periudhës së fundit në lidhje me regjistrimin e automjeteve. E dini se të gjitha licencat i regjistron Drejtoria Doganore e RMV-së dhe procedura që është zbatuar në suaza të Drejtorisë Doganore për rastin konkret për “Deve Bair” të vazhdojë edhe për vendkalimet e tjera kufitare ku ka hyrë dhe dalë ky automjet”, tha Oliver Spasovski, ministër i Punëve të Brendshme.

Dy shoferët e ndjerë nuk ishin të regjistruar si të punësuar në kompani.

“Shoferi i parë nuk është i punësuar në kompani dhe ka pasur certifikatë të vlefshme deri në 11/2023. Shoferi i dytë po ashtu nuk ishte i regjistruar si të punësuar për ta kryer veprimtarinë. Certifikata i kishte skaduar që në 2020, në muajin shtator. Në shtetin tonë, nga muaji mars kemi ngecje në pjesën e marrjes së certifikatave për shoferë. Në muajt e fundit kemi 1500 shoferë të cilëve u ka skaduar certifikata dhe duhet përsëri të japin provim”, deklaroi ministri për Transport dhe Lidhje, Bllagoj Boçvarski.

Përgjegjësi tani për tani autoritetet nuk shohin tek vetja dhe të njëjtën ia hedhin kompanisë.

“Secili që e ka shkelur ligjin duhet të mbajë përgjegjësi. Kudo qoftë të qëndrojë gabimi, duhet të mbajë përgjegjësi. Deri në këtë moment sipas informacioneve që i kemi, Ministria për Transport dhe Lidhje nuk ka asnjë shkelje për shkak se kanë obligim që t’i regjistrojnë automjetet e reja ose të kërkojnë certifikata e licencës, dokumentacion shtesë kanë sipas ligjit personat juridike të cilët realizojnë transport të tillë”, shtoi Boçvarski.

Sipas informacioneve fillestare, autobusi pas goditjes së parë u dogj vetë, ndërsa arsyet ende po vërtetohen. “Besa Trans” ka pasur dy licenca. Licencën për transport ndërkombëtar ia kanë marrë, ndërsa ajo për transport urban tashmë i kishte skaduar.

Autobusi i aksidentuar ishte në drejtim të Maqedonisë së Veriut, pasi që ishte nisur nga Stambolli ku udhëtarët kishin qenë për ekskursion. Maqedonia e Veriut shpalli 3 ditë zie, ndërkaq nga të gjitha anët arrijnë telegrame ngushëllimi për familjet e viktimave.

Lajme tjera lidhur më këtë temë:

• KE: Nëse autobusi i “Besa Trans” nuk ka pasur licencë, ka mundësi të ketë kaluar kufirin ilegalisht
• Dëshmitarët nga ambulanca: Kemi dërguar vetëm 7 persona në spital
• Spasovski: Qeveria ka formuar ekip për transportin e viktimave
• LSDM dhe BDI kërkojnë seancë të jashëzakonshme në Qytetin e Shkupit, propozojnë ndihmë për familjet e viktimave të aksidentit
• Prokuroria ndërmerr veprime për të gjetur të mbijetuarin e tetë nga aksidenti në Bullgari
• Spasovski: Spekulimet për tragjedinë e autobusit vetëm e dëmtojnë hetimin
• Çfarë zbuloi deri më tani hetimi për aksidentin tragjik në Bullgari
• Përfundoi analiza e ADN-së në Shkup, rezultatet do t’ju dorëzohen hetuesve bullgarë
• Djali i shoferit të dytë në autobusin e djegur: Babai im nuk ishte në listë të të mbijetuarve
• Stankov: Derisa të përfundojë analiza e ADN-së, nuk mund të vërtetohet numri i saktë i viktimave në aksident
• Prokuroria bullgare: Janë gjetur 45 trupa, nuk dihet ku ndodhet një udhëtar nga autobusi i djegur
• Zëvendës prokurori bullgar: Personat në autobus vdiqën nga asfiksia, informacionet tjera janë spekulative
• RMV, dita e tretë e zisë për tragjedinë me autobus në Bullgari – kryeprokurori bullgar sot vjen në Shkup
• Tragjedi në Bullgari, 45 udhëtarë të vdekur në aksidentin e autobusit me targa të Maqedonisë
• Qeveria e Maqedonisë shpalli tri ditë zie për aksidentin e autobusit në Bullgari – flamujt në gjysmë shtizë
• Janë suspenduar dy doganierë që nuk kanë evidentuar daljen e autobusit të Besa – Trans nga shteti, përgjegjësi i tyre do të sanksionohet
• Joveski: Nuk kemi informata të reja për aksidentin, bashkëpunojmë plotësisht me prokurorët bullgarë
• Shkolla “Arseni Jovkov” shpreh ngushëllime për nxënësen e tyre që vdiq në tragjedinë e autobusit
• Gjashtë hetues bullgarë dhe tre prokurorë do të punojnë për të hetuar tragjedinë e Strumës
• Besa Transit të Shkupit i merret licenca
• Autobusi ka pasur trajektore të frenimit, shoferi nuk ka fjetur, vlerësojnë ekspertët
• Copë gome, shkëndija, sinjalizimi keq: “Autopsia” e kilometrit 31
• Institucionet nuk tregojnë se si ka mundur autobusi i aksidentuar në Bullgari ta kalojë kufirin pa licencë
• Të lënduarit në aksidentin në Bullgari janë në gjendje stabile
• Autobusi i “Besa Trans Shkup” i cili u dogj në Bullgari nuk ka pasur licencë për transport ndërkombëtar
• Autobusi i aksidentuar është larguar nga rruga, prokuroria e Bullgarisë: të lënduarit në gjendje të rëndë psiqike
•  Për shkak tragjedisë me qytetarët e Maqedonisë së Veriut, Presidentja Osmani e shpalli të mërkurën ditë zie shtetërore
• Bullgaria shpalli 24 nëntorin ditë zie
• Kompania “Besa Trans-Shkup” publikoi komunikatë në lidhje me aksidentin në Bullgari
• Zaev: Viktimat janë të moshës 25-30 vjeç, ka edhe 12 fëmijë – të mbijetuarit kanë thyer xhamat e autobusit