Partitë gjermane ranë dakord për ta bërë Olaf Scholz-in kancelar

Partita Social Demokrate, Partia e Gjelbër dhe partitë liberale të Gjermanisë kanë paraqitur një marrëveshje për të formuar një qeveri të re, me Olaf Scholz, ministrin e financave, për të pasuar Angela Merkelin si kancelar, shkruan The Guardian.

Tre partitë, të njohura si “koalicioni i semaforëve” për shkak të ngjyrave të tyre – të kuqe, jeshile dhe të verdhë, arritën marrëveshjen pas dy muajve të negociatave intensive pasi Social Demokratët fituan me një një diferencë të vogël në zgjedhjet kombëtare të 26 shtatorit. .

Scholz, i socialdemokratëve, do të jetë kancelari i ri, Annalena Baerbock e të Gjelbërve do të bëhet ministre e Jashtme dhe Robert Habeck, partneri i saj si bashkëdrejtues i partisë, do të marrë një rol të ri “super ministër” duke kombinuar ministrinë e ekonomisë me synimet për mbrojtjen e mjedisit.

Kjo do të jetë aleanca e parë trepalëshe në nivel kombëtar në historinë gjermane dhe e para që do të vendosë në krye të axhendës trajtimin e emergjencës klimatike, e cila do të jetë një prioritet në secilën prej ministrive.

Palët raportohet se kanë rënë dakord të angazhohen për heqjen graduale të qymyrit deri në vitin 2030, në parim për të nxjerrë jashtë ligjit motorët me djegie dhe për t’i dhënë fund prodhimit të energjisë me gaz deri në vitin 2040. Por sfida e saj më e menjëhershme do të jetë kontrolli i valës më të keqe të Covid-19 në Gjermani.

Kjo do të jetë një nga qeveritë më të reja të Gjermanisë, për sa i përket moshës së anëtarëve të saj.

Ka shumë spekulime se si do të funksionojnë të tre partitë, për shkak të dallimeve të konsiderueshme të tyre.
Qeveria e re pritet të bëjë betimin gjatë javës së 6 dhjetorit.