Kuçukov: Bullgaria është nën presion të fuqishëm ndërkombëtar për heqjen e vetos për Maqedoninë e Veriut

Ish zëvendësministri i Jashtëm i Bullgarisë, Lubomir Kuçukov në deklaratë për një medium bullgar tha se Bullgaria është nën presion shumë të fuqishëm që të tërheq veton për Maqedoninë e Veriut. Megjithatë, ai vlerëson se afati për heqjen e vetos për fillim të negociatave në Shkup me Bullgarinë është shumë i shkurtë, transmeton Portalb.mk.

“Në kushtet e tanishme, kur në Bullgari vijojnë negociatat për formim të Qeverisë, nuk ka mënyrë të sillet vendim i tillë para samitit të BE-së”, tha Kuçukov.

Ai vlerëson se është e rëndësishme të shihet nëse qëndrimi deklarativ i liderit “Ndryshimi vazhdon”, Kiril Petkov dhe Asen Vasilev për qasje të re në negociatat me Maqedoninë e Veriut, do të transformohet në platformë eventuale të koalicionit të qeverisë së ardhshëm bullgare ose do të bëhet politikë e saj zyrtare.

Sipas tij, është pozitiv fakti së është shprehur gatishmëri për dialog nga ana e Bullgarisë, sepse dialogu është mënyra e vetme që të gjendet zgjidhje.

Duke komentuar pozitën e Bullgarisë për Maqedoninë, Kuçukov tha se Franca dhe Holanda e shfrytëzojnë atë që ndodhe që të paraqiten si pozitivisht të orientuar drejt zgjerimit.

Ai vlerëson se në praktikë, Bullgaria ka humbur gjithë përparësinë e saj si vend anëtar në BE, sepse asnjë vend i Unionit nuk e mbështet Sofjen.

Kuçukov ka shtuar se, Bullgaria në gjashtë muajt e fundit ka ritheksuar qasjen e saj drejt Maqedonisë së Veriut, pasi në mars të këtij viti, presidenti Rumen Radev ka vendosur fokus në mbrojtjen e të drejtave të njeriut në bullgarët e Maqedonisë.

“Në këtë mënyrë Bullgaria arriti të del nga mbrojtja e rrethit dhe veç më ofroi mënyrë se si të zgjidhet problemi. Megjithatë, Bullgaria duhet të punojë për gjetjen e zgjidhjes dhe ajo duhet të jetë e përbashkët dhe me dialog. Bullgaria ëshët e interesuar që të gjendet zgjidhje e tillë sepse, koha punon kundër interesave bullgare”, deklaroi Lubomir Kuçukov.

Përndryshe, Bullgaria është kundër pranimit të Maqedonisë së Veriut për shkak të mosmarrëveshjeve historike dhe gjuhësore. Por edhe nëse ka ndonjë marrëveshje, gjendja e keqe pasqyron paralizën e planit të BE -së që të ndërtojë “unazë miqsh” nga Ukraina në Tunizi, duke ofruar lidhje më të ngushta, por edhe tregti dhe ndihmë.
Bullgaria nga fundi i vitit 2020, bllokoi fillimin e negociatave midis Maqedonisë së Veriut dhe BE -së dhe mbajtjen e konferencës së parë ndërqeveritare. Të dy vendet nënshkruan Marrëveshje për Fqinjësi të Mirë në vitin 2017, por përfaqësuesit e të dy vendeve kanë fajësuar njëri -tjetrin për shkeljen e marrëveshjes.

Megjithatë Bashkëkryetari i koalicionit “Ndryshimi vazhdon”, Kiril Petkov, i cili fitoi në zgjedhjet parlamentare të së dielës në Bullgari dhe është kandidati më serioz për kryeministër të ardhshëm, po jep shpresë në lidhje me marrëdhëniet bullgaro-maqedonase, duke thënë se nuk duhet të rrënohet i gjithë procesi i fqinjësisë së mirë me Maqedoninë e Veriut dhe ata të pranohen në BE vetëm në bazë të një kriteri – historisë.

Lajme të ngjashme

Leave a Reply

Your email address will not be published. Required fields are marked *

Back to top button