Mile Janakievski është liruar nga arresti shtëpiak
Gjykata e Apelit Shkup, sot i ka dorëzuar Gjykatës Themelore Penale Shkup vendimin me të cilin të akuzuarit në disa lëndë gjyqësore, Mile Janakievski, ia ka shfuqizuar masën e arrestit shtëpiak dhe ia ka zëvendësuar me masën e kujdesit, transmeton Portalb.mk.
“Duke vepruar sipas ankesës së mbrojtjes së M.J., i akuzuar në lëndët КОК 53/17 të kodifikuar si “TNT”, КОК 7/18 të kodifikuar si “Titanik”, КОК 9/19 të kodifikuar si “Talir”, КОК 57/17 të kodifikuar si “Toplik”, КОК 52/17 të kodifikuar si “Trajektorja” dhe КОК 30/20 të kodifikuar si “Shkallët spanjolle”, ka pranuar ankesën për shfuqizim të masës së arrestit shtëpiak”, informuan nga Gjykata Penale Shkup.
Në vend të arrestit shtëpiak, Janakievski ka marrë masë kujdesi, që do të thotë ndalesë për lëshim të territorit të shtetit dhe qytetit të Shkupit, përkatësisht detyrim që i akuzuari të paraqitet në gjykatë dhe ndalesë për nxjerrje të dokumenteve të tjera të udhëtimit.
- LEXO: Gjykatësi vendosi të përshpejtojë rastin “Toplik” – për dy muaj janë caktuar 15 seanca
- LEXO: Fitova tender nga qeveria, Janakieski dhe Bozhinovski më kërkuan 15.000 euro, tha pronari i kompanisë dëshmitar në rastin “Talir”
- LEXO: Rasti “Dhuna në Qendër”: Ish kryeministri Gruevski u dënua me një vit e gjysmë burg, dënim me kusht për ish ministrin Janakievski