fbpx

Zaev: Qëllimet kryesore të Buxhetit për vitin 2022 janë rimëkëmbja ekonomike dhe rritja e përshpejtuar

Në projektbuxhetin për vitin 2022 janë pasqyruar financiarisht prioritetet me të cilat do të punojë Qeveria gjatë vitit të ardhshëm, ka bërë të ditur kryeministri Zoran Zaev në profilin e tij në Facebook, transmeton Portalb.mk.

Qëllimet kryesore të buxhetit për vitin 2022, tha ai, janë rimëkëmbja ekonomike dhe rritja e përshpejtuar, qëndrueshmëria fiskale, ruajtja e shëndetit dhe jetës së qytetarëve, si dhe mbështetja e reformave institucionale dhe integrimit evropian.

“Përmes buxhetit sigurohet pagesa në kohë e rrogave, pensioneve, përfitimeve sociale, subvencioneve, si dhe realizimi i investimeve kapitale, të cilat për vitin 2022 janë planifikuar në nivel historik të lartë prej 37,8 miliardë denarë dhe janë më të larta se deficiti buxhetor”, shkroi Zaev.

Karakteristikë e këtij buxheti, thekson Zaev, është se paratë e qytetarëve do të përdoren aty ku japin efektet më të mëdha në arritjen e qëllimeve për cilësi më të lartë të jetës.

“Prandaj është e rëndësishme që Buxheti për vitin 2022 të miratohet brenda afatit të përcaktuar ligjor, me qëllim që të financohen pa probleme funksionet e shtetit”, shkruan kryeministri Zaev.

Lajme të ngjashme

Leave a Reply

Your email address will not be published. Required fields are marked *

Back to top button