“A është e dobishme uniforma shkollore?” – debat mes gjimnazistëve dhe studentëve i organizuar nga FRA

Në ambientet e OJQ-së Qendra për Bashkëpunim Ballkanik LOJA, dje në Tetovë u mbaj debat mes studentëve dhe gjimnazistëve me temë “Stil personal apo barazi: A është e dobishme uniforma shkollore?”, që u organizua nga FRA, raporton Portalb.mk.

Debati u zhvillua me pjesëmarrës të cilët janë pjesë e dy prej klubeve apo programeve edukative të FRA: Klubi i debatit dhe klubi Mësojmë drejtën. Ideja që u bë e mundur të përcillet publikisht, para publikut dhe mediave, ishte një debat parlamentar me moton “Po sikur shokët e tu bëhen politikanë?”

Dy ekipet me nga tre anëtarë përfaqësonin secila “qeverinë”, pra partinë në pushtet dhe “opozitën”, në të cilën secili anëtar i ekipeve doli me argumentet e veta për të afirmuar vendimin dhe për të hedhur poshtë qëndrimin e të mëparshmit, i cili. kishte fjalimin e vet sikurse në seancë parlamentare. .

Debatuesit nuk përfaqësonin drejtpërdrejt deputetët dhe ministrat aktualë, por ishte një ankesë fiktive ndaj një nisme që të pranishmit mund të ndiqnin dhe të votonin për pozicionin që u pëlqen më shumë, duke marrë vendim përfundimtar.

Kjo lloj nismash i nxit të rinjtë që të mendojnë për ndryshime, reforma dhe zbatimin e tyre, ndërkohë që publikisht nxjerrin fakte dhe opinione të mundshme gjatë marrjes së ndonjë vendimi.

Koordinatori i degës së Tetovës për FRA, i cili ishte edhe organizator i manifestimit, për Meta.mk tregoi se si e kanë zgjedhur këtë temë dhe pse. “Kërkonim temë që do të ishte më e afërt me gjimnazistët dhe doli që ishte uniforma dhe të ngremë pyetjen nëse ajo duhet. Erdhëm deri te shumë tema të tjerë

Ide të ndryshme, që rezultuan të jenë shumë më të ndërlikuara dhe më lokale dhe ne donim të dilnim me diçka më të afërt për të gjithë”, tha Risto Saveski, koordinator i anëtarësisë së Tetovës në FRA.

Ai tha se për të përgatitur debatin iu deshën dy javë, ku të gjithë anëtarët punuan shumë për të zhvilluar tezat e tyre.

“Thelbi është se sot kemi anëtarë që kanë përfunduar një kurs ose janë ende anëtarë të Klubit të Debatit dhe të klubit Mësojmë drejtë. Disa nga anëtarët nuk kanë debatuar asnjëherë, e nga ana tjetër “debatuesit” nuk i dinë argumentet që duhen përdorur në llojin e lirisë dhe barazisë, ndaj këtu ndihmuan anëtarët e Mësojmë drejtë. Kështu ia dolëm të krijojmë një ekip të mirë që do ta prezantojë siç duhet këtë iniciativë për debat”, tha Risto.

Sipas tij, në kuadër të FRA këto dy programe konsiderohen diametralisht të ndryshme, gjegjësisht Mësojmë drejtë konsiderohet klub që e vizitojnë ata që mësojnë “përmendësh”, ndërsa Klubi i Debatit është për “kreativët”. Megjithatë, ai shtoi se ndërlidhja e tyre nuk mund të anashkalohet, ndaj vendosën të bashkojnë një debat të përbashkët.

Dallimi paralel në shoqërinë rinore të Maqedonisë dhe të gjithë të tjerëve është shumë e dukshme sa i përket kësaj ideje. Përveç nxitjes së të rinjve për të menduar  për zbatimin e tyre në vendimet që merren në shoqëri, ngjarje të tilla u mundësojnë të rinjve të vlerësojnë aftësitë e tyre dhe të shohin se ata mund të përcaktojnë drejtimin e tyre, përveç në një edhe në më tepër drejtime.

Në “seancë” anëtarët e qeverisë morën vendimin për futjen e uniformës në shkolla për të ulur ndjenjën e përcaktimit klasor, me të cilën, sipas tyre, çdo fëmijë takohet për herë të parë në jetën e tij mes bankave shkollore. Opozita argumentoi kundër, duke theksuar se jashtë shkollës përsëri, fëmijët janë ata që vishen ndryshe, duke theksuar se stili personal i çdo fëmije u jep atyre lirinë më të madhe të shprehjes dhe nuk duhet t’i hiqet, ndërsa ndër tjerash shtuan se bëhet fjalë për një buxhet të madh që duhet të ndahet për futjen e uniformave në përdorim.

Shprehja konstruktive dhe e paramenduar e secilës palë dhe e secilit prej debatuesve në mënyrë individuale të çon në mendimin se ka shqetësim tek të rinjtë kur bëhet fjalë për zbardhjen e të gjitha anëve të një vendimi, që merret në parlamentin e vendit. Në Maqedoni ekziston rini që është e gatshme të luftojë për të shprehur qëndrimin e vet, që më tej mund të rezultojë në marrje të vendimeve që do ta çonin vendin në drejtim dhe drejtime më të mira të zhvillimit.

Në këtë ngjarje foli edhe kryetari i Forumit Rinor Arsimor, Petar Barlakovski, i cili theksoi se FRA është organizatë që mundëson programe të arsimit joformal që sistemi ynë arsimor nuk i mbulon.

“Në kuadër të organizatës sonë janë katër programe: Programi i Debatit, Programi Mësojmë drejtë, Aktivizimi i të rinjve dhe Hulumtimi dhe analiza, të cilat mundësojnë zhvillim profesional dhe personal të të rinjve”, tha ai.

Në fund, ai tha se thirrja për pjesëmarrje në programet e FRA është ende e hapur për të gjithë të interesuarit dhe është falas.