Ylber Sela dhe shkrimtari Fejzi Bojko fitues të çmimit shtetëror “22 Nëntori”
Këshilli për ndarjen e çmimit shtetëror “22 Nëntori” në pajtim me Ligjin për çmime shtetërore dhe Rregulloren për punë të Këshillit, në seancën e fundit miratoi vendim për ndarjen e çmimit shtetëror “22 Nëntori” në vitin 2020 për mirënjohjen e njerëzve nga jeta politike, kulturore dhe shoqërore në Republikën e Maqedonisë së Veriut që kanë kontribuar në avancimin e bashkëjetesës ndërnjerëzore dhe mirëkuptimit të ndërsjellë ndërmjet pjesëtarëve të komuniteteve, kulturave dhe feve të ndryshme në Republikën e Maqedonisë së Veriut, njofton Portalb.mk.
Ky çmimi u është ndarë:
- prof.dr. Ylber Selës, politikolog dhe
- Fejzi Bojkos, shkrimtar
Çmimi fituesve do tu dorëzohet më 22 Nëntor (e hënë) në ora 12:00 në Kuvendin e Republikës së Maqedonisë së Veriut.
