Adoleshentja e rrëmbyer u shpëtua pasi kërkoi ndihmë duke dhënë sinjal që e kishte mësuar në TikTok

Një adoleshente e rrëmbyer nga shteti amerikan i Karolinës së Veriut u shpëtua pasi një shofer kuptoi sinjalin e dorës që ajo po jepte nga automjeti me të cilin e kishin rrëmbyer. Vajza 16-vjeçare shenjën e mësoi në TikTok, kurse ai në fakt shërben për të sinjalizuar dhunën në familje, raporton CNN.

Sinjali jepet në atë mënyrë që pëllëmba drejtohet dhe drejtohet ndaj personit ose personave të cilëve duam t’i sinjalizojmë, gjatë së cilit lëshohet gishtin e madh, kurse më pas ulen gishtat e tjerë dhe mbulojnë gishtin e madh.

Vajza ishte raportuar e zhdukur nga prindërit të martën dhe u shpëtua të enjten pasi një shofer në autostradë në Kentaki njohu shenjën, thirri policinë dhe u jepte udhëzime derisa u ndal automjeti në të cilën ndodheshin rrëmbyesi dhe vajza.

“Nuk e dimë se sa kohë ajo e kishte dhënë sinjalin se ishte në telashe, por në fund dikush e njohu”, tha Gilbert Akiardo, një zëvendës sherif në zonën Lowell të Kentakit.

Ndaj rrëmbyesit është ngritur padi penale.