fbpx

Si ju duket kjo korsi ngjyre rozë për gjininë femërore? (FOTO)

Sheilas’ Wheels, kompania e njohur e sigurimeve të makinave të gjinisë femërore ka hedhur propozimin për të t’i bërë rrugët në Mbretërinë e Bashkuar më të sigurta për shoferet gra dhe ka identifikuar PinkZones, një koncept që do të njihte korsi të veçanta për shoferet femra, si një vizion i konceptueshëm i së ardhmes. Propozimi erdhi si rezultat i një numri raportesh që tregojnë se si gratë janë të pambrojtura në rrugët e Mbretërisë së Bashkuar. Shifrat nga Departamenti i Transportit (DfT)1 të publikuara në vitin 2012 tregojnë se burrat janë përfshirë në 114,190 aksidente krahasuar me vetëm 70,470 për gratë, por 53% e grave të përfshira janë lënduar rëndë, krahasuar me vetëm 38% të burrave, shkruan Joq Albania, transmeton Portalb.

Statistikat e DfT2 tregojnë gjithashtu një total prej 1,713 vdekjesh në rrugë në Britani në vitin 2013. Statistikat e fundit të qeverisë për vitin 2013 tregojnë se burrat kanë katër herë më shumë gjasa të dënohen për një shkelje automobilistike në rrugët britanike sesa gratë. Koncepti i dizajnit PinkZones propozon dy lloje të reja rrugësh. E para rekomandon përcaktimin e korsive për shoferet femra në rrjetin rrugor ekzistues, ndërsa e dyta parashtron krijimin e mbikalimeve vetëm për femra mbi disa nga rrugët më të ngarkuara të Britanisë.

Sheilas’ Wheels - PinkZones
Sheilas’ Wheels – PinkZones

Korsitë e ndara për gratë në rrugë jo vetëm që do të rrisnin sigurinë, por gjithashtu do t’i largonin ato nga një mjedis potencialisht i rrezikshëm. PinkZones do të projektohen posaçërisht për shoferet femra për të përmirësuar cilësinë e jetës. Meqë qeveria ka caktuar kohët e fundit 70 miliardë £ për shpenzimet e infrastrukturës së transportit, rialokimi i hapësirës ekzistuese rrugore për gratë shofere mund të jetë relativisht efikase në kosto. Për shembull, vlerësohet se krijimi i korsive vetëm për femra në të gjithë rrjetin e autostradave do të kushtonte 250,000 £ për km.

Duke hulumtuar mbi konceptin, një sondazh i kryer nga YouGov6 në emër të Sheilas’ Wheels zbuloi se 68% e të anketuarve thanë se do të mbështesnin korsi të veçanta për shoferet femra, me vetëm 11% që besonin se burrat në MB ishin më të sigurt në rrugë sesa gratë.

Lajme të ngjashme

Leave a Reply

Your email address will not be published. Required fields are marked *

Back to top button