RMV, trafiku hekurudhor është ndërprerë, personeli i makinerive bojkoton për shkak të mos-pagesës së rrogës
Personeli makinerik në “HM transport” TShA Shkup është në bojkot për shkak të mospagimit të pjesës së dytë të pagës së shtatorit, ndërsa komunikacioni hekurudhor i mallrave dhe udhëtarëve është në ndërprerje të plotë, tha sot për MIA-n Dushko Çakarovski, përfaqësues i peronelit të makinerive, përcjell Portalb.mk.
Çakarovski informoi se qarkullimi i mallrave është reduktuar për 90 përqind që të shtunën pas orës 15, ndërsa sot në mëngjes nga ora 07:00 është ndërprerë plotësisht qarkullimi i udhëtarëve. Sipas orarit, treni e parë për udhëtar që sipas njoftimeve nuk do të niset, është në linjën Shkup-Veles i paraparë për ora 09:20.
“Bojkoti do të zgjasë deri në përmbushjen e kërkesës së parashtruar për pagesën e pjesës së dytë të pagës së shtatorit”, deklaroi Çakarovski.
Ndërprerje të trafiku hekurudhor të pasagjerëve dhe mallrave kishte në fillim të gushtit për shkak të mos-pagasesës së pjesës së dytë pagave për qershorin. Pas plotësimit të kërkesës, përfaqësuesit e perosnelit të makinerive ndërprenë bojkotin, por paralajmëruan përsëri bllokada nëse nuk realizohet detyrimi për pagesën e rrogës më së voni deri në datën 25 të po ati muaji.
- LEXO: Drejtuesit e trenave kërkojnë rroga, trafiku hekurudhor në Maqedoninë e Veriut është ndërprerë
- LEXO: Dimkovski: Filloi bojkoti i paralajmëruar i personelit makinist në Hekurudhat e RMV
- LEXO: Dimovski: Personeli makinist në Hekurudhat e RMV është në bojkot, nuk do të nisen trenat pas orës 16:00