fbpx

Udhëheqësit e G-20 bien dakord që t’i japin fund financimit për qymyrin

Udhëheqësit e G-20 ranë dakord në fund të takimit të tyre në Romë që të punojnë për të arritur një nivel neutral karboni “deri në mes të shekullit” dhe premtuan t’i japin fund financimit për uzinat e qymyrit në vendet e tjera deri në fund të këtij viti, raporton VOA.

Komunikata përfundimtare u lëshua të dielën në fund të bisedimeve dy-ditore të nivelit të lartë, përpara takimit më të gjerë të OKB-së për ndryshimet klimatike, COP26, që mbahet këtë javë në Glasgou të Skocisë.

Udhëheqësit e mbledhur në Romë folën për përpjekjet për të arritur objektivin e kufizimit të ngrohjes globale në 1.5 gradë Celsius, në përputhje me një angazhim global të bërë në vitin 2015 në Marrëveshjen e Parisit për Klimën.

Grupi prej 19 vendesh dhe Bashkimit Evropian çlirojnë më shumë se tre të katërtat e gazeve që shkaktojnë efektin serrë në botë.

Megjithatë qymyri, mbetet një temë e madhe mosmarrëveshjeje. Anëtarët e G-20-ës, Kina dhe India i kanë rezistuar përpjekjeve për të dalë me një deklaratë për eliminim gradual të konsumit vendas të qymyrit.

Lajme të ngjashme

Leave a Reply

Your email address will not be published. Required fields are marked *

Back to top button