Në veturën e tij u gjetën shtatë emigrantë, policia e Maqedonisë së Veriut arrestoi 50 vjeçarin
Policia e Maqedonisë së Veriut ka arrestuar një 50 vjeçar nga Kumanova pasi në veturën e tij janë kapur shtatë migrantë nga Kuba, duke paralajmëruar edhe padi për shoferin, transmeton Portalb.mk.
“Në pikën pagesore në Demir Paki, punonjësit policor nga Stacioni policor për vëzhgim kufitar “Mihjallovo” e kanë arrestuar 50 vjeçarin F.A. nga Kumanova”, njoftojnë nga Policia.
Shtatë të arrestuarit që gjendeshin në veturën “Volkswagen Touran” me tabela të Kumanovës, janë dërguar në Qendrën pranuese-tranzit në Gjevgjeli për të ndjekur procedurat e mëtutjeshme.