RMV, rezultati final i rrethit të parë të zgjedhjeve lokale (Infografik)

VMRO-DPMNE ka fituar 22 kryetarë komunash që në rrethin e parë, LSDM 9 dhe BDI 3. Ky është epilogu i rrethit të parë të zgjedhjeve lokale të 17 tetorit, njofton Portalb.mk.

Për më shumë mund ta ndiqni inforgrafikun e përgatitur nga Portalb.mk

Por kush fitoi dhe kush humbi në komunat me shumicë shqiptare?

BDI ka fituar 3 komuna që në rrethin e parë, edhe atë Sarajin, Likovën dhe Pllasnicën.

Në 13 komuna që kemi analizuar, BDI garon në rrethin e dytë, koalicioni ASH-AA garon në 7 komuna, Lëvizja BESA në 2 dhe PDSH në 1.

Përballja në rrethin e dytë:

  • Në Tetovë, do të përballet Teuta Arifi nga BDI me Bilall Kasamin e Lëvizjes BESA;
  • Në Çair, Visar Ganiu i BDI-së me Bekim Sali nga ASH-AA;
  • Në Gostivar, Arben Taravari i ASH-AA do të përballet me Nevzat Bejtën e BDI-së;
  • Në Strugë, Ramis Merko i BDI-së me Idri Istrevi ASH-AA;
  • Në Dibër, Bekim Pocesta i ASH-AA me Hekuran Dukën e BDI-së;
  • Në Kërçovë, Aleksandar Jovanovski i VMRO-DPMNE-së, me Fatmir Deharin e BDI-së;
  • Në Haraçinë, Ridvan Ibraimi i BDI-së me Milikije Halimin e LSDM-së;
  • Në Vrapçisht, Isen Shabani i ASH-AA me Nebi Rexhepin e BDI-së;
  • Në Zhelinë, Fatmir Izairi i BDI-së me Blerim Sejdi të Lëvizjes BESA;
  • Në Studeniçan, Azem Sadiku i PDSH-së me Ejup Abazin e BDI-së;
  • Në Bogovinë, Besnik Emshiu i BDI-së me Albon Xhemailin e ASH-AA;
  • Në Dollnen, Urim Ibeski i BDI-së me Adnan Xhaferovskin e LSDM-së;
  • Në Tearcë, Nuhi Neziri i BDI-së me Nazim Taipin e ASH-së.

Rrethi i dytë mbahet më 31 tetor.

Lajme të ngjashme

Leave a Reply

Your email address will not be published. Required fields are marked *

Back to top button