fbpx

Final Fantasy 14 tejkaloi 24 milion lojtarë, u bë loja më fitimprurëse në seri (VIDEO)

Gjatë një ngjarjeje të fundit paraprake për zgjerimin e ardhshëm Final Fantasy 14: Endwalker, drejtori Naoki Yoshida zbuloi se kohët e fundit ka tejkaluar 24 milion lojtarë. Për më tepër, është loja më fitimprurëse e Final Fantasy në seri, shkruan IGN, transmeton Portalb.

Yoshida zbuloi se numri i lojtarëve ka arritur në 24 milionë lojtarë pas 11 vitesh pasi Final Fantasy 14 u lëshua për herë të parë. Në një tabelë të ndarë nga Yoshida me shtypin, numri i lojtarëve të Final Fantasy 14 në vitin 2015 ishte 4 milion lojtarë të regjistruar. Ky numër arriti në 10 milion në kohën kur  Stormblood u lëshua në lojë në vitin 2017.

“Ju të gjithë e dini se sa të vështira ishin gjërat për ne me Final Fantasy 14,” thotë Yoshida duke iu referuar nisjes famëkeqe të MMORPGs.

Yoshida thotë se Final Fantasy 14 është titulli më fitimprurës në serinë Final Fantasy.

“Ndoshta është e papërshtatshme për mua të them, por për sa i përket biznesit tonë, ne kemi qenë në gjendje të arrijmë sukses të madh. Duke ecur përpara, ne nuk do të kursejmë asnjë shpenzim me investimet tona për të siguruar që kjo lojë të vazhdojë të jetë e preferuara për lojtarët tonë “. u shpreh Naoki Yoshida.

Dhe vetëm për shkak se zgjerimi i ardhshëm do të përfundojë një skenar të madh të historisë nuk do të thotë që Final Fantasy 14 ka mbaruar. Gjatë prezantimit, Yoshida foli për dhjetë vitet e ardhshme dhe falënderoi bazën e lojtarëve për qëndrimin në lojë.

Lajme të ngjashme

Leave a Reply

Your email address will not be published. Required fields are marked *

Back to top button