Çka do të ndodhë me procesin zgjedhor në RMV nëse ndërpritet ose fillon me vonesë më 17 tetor?
Procesi zgjedhor në Maqedoninë e Veriut do të fillojë në ora 07:00 dhe duhet të mbarojë në ora 19:00, në krahasim me zgjedhjet e fundit që zgjatën deri në ora 21:00, transmeton Portalb.mk.
Komisioni Shtetëror i Zgjedhjeve sqaroi që në rast se votimi do të fillojë me vonesë, por jo më vonë se ora 08:00, votimi duhet të mbarojë deri në ora 19:00. Por në rast se votimi do të fillojë me vonesë, prej orës 08:00 deri 10:00, votimi vazhdohet për aq sa ka zgjatur prolongimi.
Në rast se votimi nuk ka filluar deri në ora 10:00, njoftohet që Komisioni komunal i zgjedhjeve, ndërsa votimi në atë ditë nuk fillon.
Vendvotimi mund të mbyllet nëse kanë votuar gjithë votuesit e regjistruar në Listën e zgjedhësve, por KZ-ja do të qëndrojë aty deri në ora 19:00, kur do të fillojë numërimi. Numërimi më herët nuk duhet të fillojë.
“Votuesve, të cilët në ora 19:00 janë hasur në objektin në të cilin votohet, KZ-ja do t’u mundësojë të votojnë. Në ora 19:00, anëtari i KZ-së i cili i kontrollon dokumentet për identifikim personal të votuesve do të qëndrojë në fund të radhës së votuesve që janë hasur në objektin.”, sqarojnë nga KSHZ-ja.
Në rastet se votimi është ndërprerë më pak se një ora, votimi mbaron në ora 19:00 dhe nuk vazhdon, por në rast se ndërpritet më shumë se një orë e më pak se tri orë, votimi vazhdon pas orës 19:00 për aq sa është ndërprerë. Ndërprerja e votimit për më shumë së tri orë, njofton Komisioni komunal, votimi ndërpritet dhe nuk vazhdon atë ditë.
Votimi mund të ndërpritet nga KZ për këto arsye: nëse prishet rendi, nëse ka mot të keq dhe rrethana jashtëzakonshme, nëse shkuarja në vendvotim nuk sigurohet nga policia, nëse ka probleme teknike ose nuk funksionon fingerprinti, etj.
